"Kəpəz" klubunun aparıcı futbolçularından olan Rauf Hüseynlinin Futbolmedia.az saytına müsahibəsi.



Rauf ilk olaraq, təbrik edirəm. "Kəpəz"lə premyer liqada qalmağı bacardınız. Bu da, böyük uğurdu. Ümumilikdə, Gəncə klubunun çıxışını necə dəyərləndirərdin?

Düşünürəm ki, uğurlu bir mövsüm keçirdik. Əgər qarşımıza qoyulan missiyanı tamamlaya bildiksə, deməli uğurlu alındı. Misiyamız da, premyer liqada yerimizi qorumaq idi. Bir çox sensasiya yaradacaq oyunlarımız oldu. Ən çox da, çox güclü "Qarabağ" və Sabah"la oyunlarda qazandığımız qələblərdi. Şəxsi performansıma gəlincə isə daha yaxşı da, oynaya bilərdim. Çünki özümdə bu potensialı bilirəm. Lakin bu mövsüm də, uğurlu oynadığmı düşünürəm. Mən komandaya gələn zaman "Kəpəz" sonuncu yerdə idi. Heç də özünün yaxşı günlərini yaşamırdı. Düşünürəm ki, komandaya gəlişim "Kəpəz"in gücünə güc qatdı. Bütün komanda olaraq əlimizdən gələi edik. Və öz hədəfimizə çatdıq.

Ümumilikdə sənin göstərdiyin performansa gəlmək istədim. Bu sualı əbəs yerə vermədim. Çünki sənin vurduğun qollar və verdiyin qol ötürmələri "Kəpəz"in premyer liqada qalmağında böyük rol oynadı?

Əsas komandanın qələbə qazanması idi. Ən vacibi budur. Şükürlər olsun ki, bir çox oyunlarda qələbə qollarını vurdum. Ümumiilikdə, yaxşı mövsüm keçirdiyimi düşünürəm. Sonradan özüm də, düşünürəm ki, həqiqətən çox vacib qollar vurmuşam. "Sumqayıt"la oyunda komandamız hesabda geri düşmüşdü. Oyunumuz da, istədiyimiz kimi alınmırdı. Lakin qollarla Gəncə şəhərini, azarkşlərə udula bilməyəcək çox böyük sevinc bəxş etdik. Rəhbərliyin də, azarkeşlərin də, komandaya, biz futbolçulara,dəstəyini unutmaq olmaz.

Gəncə komandasında qalırsanmı?

Bilirsiniz ki, qarşımızda hələ bir oyun var. Bütün fikrim hazırda həmin oyuna köklənib. Hələ bu barədə danışmaq istəməzdim. Sonuncu oyundan sonra artıq fikirləşəcəm.

Etibarlı mənbələrdən aldığımız məlumata görə, sənə artıq iki iddialı və bir ortabab klub şifahi təklif göndərib. Bu doğru məlumatdır?

Hələ ki, tələsik cavab və tələsik qərar vermək istəmirəm. İndidən bununla bağlı nəsə demək düzgün olmaz. Ancaq yalan da, danışmaq istəmirəm. Bəli. Dediyiniz təklifləri artıq almışam. Lakin son oyundan sonra oturub fikirləşəcəm. Gələn təklifləri dəyərləndirəcəm. Bilirsiniz, bir futbolçu mövsümü əsas heyətdə keçirirsə, komandası üçün lazımı qollar vurursa, asistlər edirsə, təkliflərin gəlməsi normal haldır. Mən də, gizlətmirəm. Konkret təkliflər var.

Rauf təklif demişkən, keçən il sənə Moldovanın məşhur klubu "Şerif"dən təklif aldığın deyilirdi. Hətta "Şerif" klubuna keçməyin belə an məsələsi imiş. Bu da, doğru məlumatdır?

Bəli. Bir neçə xarici menecerlər bununla bağlı işlər gördü. Bu klubla bağlı mənə yazdılar. Danışıq apardıq. Və bütün təkliflərlə bağlı demək olar ki, razılıq əldə olunmuşdu. "Şerif" klubuna keçidim an məsələsi idi. Lakin son anda nə isə alınmadı. Xeyirlisi belə imiş. Ola bilər ki, bu il başqa avropa klublarına da, gedə bilərəm. Xarici menecerlər mənə demişdilər ki, gələn mövsüm digər klublarla bağlı hərəkətə keçəcəklər. Görək necə olur. Xeyirlisi Allahdan. Ola bilər ki, xarici klublardan gələn təklifləri dəyərləndirəcəm.



Milli komandadan dəvət gözləyirsənmi? ən azından yoxlama oyunlarında?


Milli komandada oynamaq hər bir futbolçu üçün böyük şərəfdir. Əlbəttə ki, təklif gələrsə, böyük məmnuniyyətlə qəbul edərdim. Xeyirlisi nədirsə O, olsun.

Əli HƏYATİ