"Turan Tovuz" klubunun kapitanı Faiq Hacıyevin Futbolmedia.az saytına müsahibəsi.



İlk olaraq, Faiq mükəfatçılar pilləsinə və avrokuboklara vəsiqə qazanmaq münasibəti ilə təbrik edirəm. "Turan Tovuz"un kapitanı kimi bu mövsüm necə dəyərləndirirsən?

Bu mövsümü çox yaxşı keçirdik. çempionata qədər də, çox yaxşı təlim-məşq keçmişdik. Düzünü deyim ki, çox ağır bir mövsüm oldu. Rəqiblərimiz çox güclü idi. İldən - ilə də, rəqiblərin gücü artır. Lakin bütün çətinliklərə baxmayaraq istəyimizə çatdıq. Şükürlər olsun ki, illərdi xəyallarını qurduğumuz avrokuboklara vəsiqə qazandıq. Bu mövsüm bizim üçün əla oldu.

Mövsümün əvvəlində heç inanırdınız, düşünürdünüz ki, avrokuboklara vəsiqə qazanacaqsınız?

Çox çətin görünürdü. Lakin özümüzə inanırdıq. Əslində, məqsədimiz daha yuxarı pillədə qərarlaşmaq idi. Lakin bu nəticə də, pis deyil. Hətta daha yaxşı yer tuta bilərdik. Sadəcə, bir neçə oyunda bəxtimiz gətirmədi ki, istəyimizi reallaşdıraq. Hər şeyə rəğmən üzərimizə düşən missiyanı yerinə yetirə bildik. Hər şey bizim üçün əla sonluqla bitdi.

Komandanın kapitanı kimi öz oyunundan razı qaldınmı?

Əlmdən gələni etdim ki, komanda yaxşı nəticələr qazansın. Düşünürəm ki, pis alınmadı. Öz haqqımda çox şeylər demək istəməzdim. Bunu kənardan desələr daha yaxşı olar. Lakin daha yaxşısını da, edə bilərdim. Çünki buna potensialım imkan verir.

Əslində, sən müdafiədə komandanın ən yaxşılarından biri idin. Bunu mətbuat da, sənin oyununu qiymətləndirən zaman, dəstəkləyən zamanlar da, görünürdü. Komandanın müdafiədəki nizam - intizamlı oynamasında da, sənin böyük rolun var. Sən necə düşünürsən?

Hər kəs kimi mənim də, bu uğurlarda payımın olmasına çox sevinirəm. Mövsüm boyu məni və oyunumu diqqətdə saxlayan mətbuat nümaəyəndələrinə də, təşəkkür edirəm. Əslində, biz bunu komanda şəklində bacardıq. Həm bizə daima dəstək olan rəhbərliyin, baş məşqçi və rəhbərlik heyətinin, futbolçuların, bütün heyətin əziyyətidir. Çalışacam ki, daha yaxşı oyun sərgiləyim. Biz komanda şəklində güclüyük.

Sən artıq illərdi ki, "Turan Tovuz"un formasını geyinirsən. Kluba gələn rəhbərlik haqqında nə deyərdin?

Klubumuzun rəhbəri Ehtiram müəllim və bütün rəhbərlik heyəti komandaya hər cürə dəstək oldular. Həm çətin gündə, həm də, yaxşı gündə yanımızda durdular. Çox əziyyətləri oldu. Klubumuzun həm Bakıda, həm də Tovuzda yeni bazasının tikilməyi elə çox şeydən xəbər verir. Bu uğurların böyük pay sahibləridirlər. Belə əziyyət çəkən klub rəhbərliyi görməmişəm. Komanda üçün can yandırdılar. Biz də, öz oyunumuzla, nəticələrlə çalışdıq ki, onları futboldan küsdürməyək. Şükürlər olsun ki, hər şey yaxşı oldu.

Necə düşünürsən, "Turan Tovuz" avrokubokda yeni tarix yaza biləcəkmi?

İnşəallah ki, fikrimiz elə budur.Biz bu yerə, avrokuboklara bir mərhələ adlamaq üçün çıxmamışıq. Məqsədimiz daha da, irəliyə getməkdir. Çox çətin olacaq. Lakin ən yaxşısını etməyə çalışacağıq. Mən buna inanıram.

Faiq sən Tovuz klubunda qalcaqsanmı? çünki bildiyimizə görə mövsüm ərzində stabil oyununla digər iddialı klubların diqqətini çəkdin. Yəgin ki, sənə təkliflər var?

Mənim hələ "Turan Tovuz"la bir illik müqaviləm var. Bütün fikrim, diqqətim bu komandadadır. Bəli. Təkliflər artıq var. Bunu gizlətmirəm. Lakin hələ bu barədə nəsə düşünməmişəm. Hələr qərarlar verməmişəm. Mənim futbolçu olmağımda ən böyük əziyyəti olan "Turan Tovuz"dur. Buna görə də, onlara çox minnətdaram. Məhz buna görə bütün diqqətim hazırda Tovuz klubundadır. "Turan Tovuz"la davam edərək, daha yaxşı nəticələr əldə etmək istəyirəm.

Əli HƏYATİ