"Turan Tovuz" klubunun kapitanı Faiq Hacıyevin Futbolmedia.az saytına müsahibəsi.

Faiq ölkə kubokunda ilk oyunda “Kəpəz”i minimal hesabla məğlub etdiniz. Çox çətin və gərgin oyun oldu. Komandanın kapitanı olaraq dünənki bu oyun haqqında fikirlərini bilmk istərdim?

Çox çətin vəgərgin oyun oldu. Ümumiyyətlə kubok oyunları çox çətin keçir. Çünki rəqiblərlə iki dəfə üz-üzə gəlirsən. Mərhələnin taleyi iki oyundan ibarət qazandığın nəticə mərhələ adladır. Gəncə komandası da həmin oyunda çox istəkli oynadı. Rəqib komanda bizə çox müqavimət göstərdi. Lakin sonda qazanan tərəf biz olduq. Buna görə də, çox şadıq. Əlimizdən gələni edəcəyik ki, ikinci oyunda da, qalib gələrək, mərhələ adlayan tərəf biz olaq. Buna inamımız çoxdur.

Premyer Liqada da, yaxşı irəliləyirsiniz. Bunu nəzərə alsaq mövsümün sonunda daha yaxşı yerlərdə, daha konkret mükəfatçılar sırasında qərarlaşmaq şansını necə dəyərləndirirsən?


İnşəallah hər iki cəphədə sona qədər mübarizə aparamağa çalışacağıq. Bacardığımız qədər mövsümün sonunda yüksək pillədə olmaq istəyirik. Bu ay çox sıx qrafikli oyunlarımız var. Buna görə də, bu ayda qazanacağımız nəticələr çox önəm və əhəmiyyət daşıyacaq. İnanıram ki, belə davam etsək, daha yeksək pillələrdə qərarlaşa biləcəyik.

Komandanın kapitanı olaraq “Kəpəz”lə oyunda baş məşqçiniz Kurban Berdiyevə göstərilən qırmızı vərəqəni ədalətli hesab edirsən. Yoxsa daha yumşaq qərar olmalı idi?

Hakimlərin bir qədər sərt olduğunu düşünürəm. Belə oyunlarda gərginlik çox olur. Hakimlər də, gərək baş məşqçiləri başa düşsünlər. İnsan olduğumuz üçün emosiyalarımıza hakim ola bilmirik. Düşünürəm ki, bu qədər sərt cəza , qırmızı vərəqə verməməkdə olardı.

Komandanızın əsas silahlarından biri də, müdafiədə yaxşı və diqqətli oynamağınızdır. Bu müdafiənin başında, ən yaxşılarından biri də, sənsən. Öz oyununu necə qiymətləndirirsən?

Mən öz oyunum haqqında çox danışmağım düzgün olmaz. Bunu kənardan daha yaxşı qiymətləndirilə bilər. Baş məşqçimiz Kurban Berdiyevə təşəkkür edirəm. Əla bir komanda formalaşdırır. Həm müdafiədə, həm də, hücumda yaxşı oynaya bilirik. Mən də, həm müdafiədə, həm də, kapitan kimi meydanda var gücümü qoyuram. Çalışıram ki, meydanda çox az səhvlər edim. Öz üzərimdə çox çalışıram. Çalışacam ki, stabil oyun sərgiləyim.

Mövsümün sonunda ən yaxşı oyunçular sıralaması olacaq. Bu sıralamad ən yaxşılar sırasında belə getsə sən də, ola bilərsən. Bununla bağlı nə deyərdin?

Məni belə dəyərləndirdiyiniz üçün təşəkkür edirəm. Mən də, bu diqqətə layiq olduğumu isbatlamaq üçün əlimdən gələni edəcəm. İnşəAllah ki, bu sıralamada olarıq. Bununla yalnız qürur duymaq olar.

Vətən müharibəsində qalib gəldik. Kifayyət qədər şəhid və qazimiz oldu. Onlar hər zaman diqqət və qayğı ilə əhatə olurlar. Hətta qazilərin müalicəsində, Yaşat Fonduna belə idman camiəsindən məşqçilər, futbolçular və klub rəhbərləri belə ianə və yardımlar ediblər. Sən bu sıralamalarda olmusanmı? Və ya olmaq istərdinmi?

Şəhid və qazilər bizim xalqın və eyni zamanda mənim baş tacımdır. Onlarla qürur duyuruq. Və qəlbədə, azadlığımızda, rahat yaşamağımızda da, onlara ölənə qədər borcluyuq. Əlbəttə ki, bununla bağlı hər zaman ən yaxşısını etmək istəmişəm. Müharibə vaxtı yaxın qohum və ailə üzvlərim dəstək olub. Mən də, hər zaman hazıram. Yenə deyirəm bu hamımızın borcudur.