Gələk Azərbaycan premyer liqasında baş verən dəyişikliklərə. Bu mövsüm hər kəsi yaxşı mənada təəccübləndirən Turan Tovuz” klubu oldu. Hazırda turnir cədvəlinin 3-cü pilləsində qərarlaşan bölgə klubu belə davam edərsə, avrokuboklara vəsiqə qazanacaq. Söhbət və məsələ təkcə burasında deyil ki, TuranTovuz” avrokuboklara gedəcək. Yox. Məsələ orasındadır ki, Turan Tovuz” klubunun rəhbəri kimdir? Və bu şəxs rəhbərlik etdiyi klubu ucaltmaq, böyütmək, inkişaf etdirmək istəyirmi? Mən tanınmış tənqidçi jurnalist olaraq araşdırmamın nəticəsində belə qənaətə gəldim ki, Ehtiram Quliyev nəinki Turan Tovuz”, Azərbaycan futbolu üçün də,bir dəyərə çevriləcək. Bu illər ərzində klub prezidenti gördüyü işlər, stadionun yenilənməsi, təmiri, Tovuz futbol akademiyasının tikilərək tam yenilənməsi, kluba böyük məbləğdə maliyə ayırması buna bir sübutdur. Klubun başına tanınmış, təcrübəli baş məşqçi, mütəxəssiz Kurban Berdiyevin gətirilməsi, klubun gələcək planlarından xəbər verir. Baxmayaraq ki, uzun illərdi həm içtimai-siyasi, həm də, idman jurnalisti kimi fəaliyyət göstərirəm.

Ancaq Azərbaycan futbolunda şəxsi təşəbbüsü, şəxsi maliyə vəsaitini xərcləməklə,inkişafa nail olmaq istəyən az iş adamı görmüşəm. Ehtiram Quliyevlə şəxsi tanışlığım yoxdur. Lakin onun gördüyü işlər, ədəbi, ərkanı, sadəliyi, xeyirhaq bir iş adamı olması haqqında çox sözlər eşitmişəm. Tipik mərd, səxavətli, xeyirhaq bir Azərbaycanlı, Vətən oğlu təsüratı yaradır. “Turan Tovuzu”n oyunlarında şəxsən iştirak etməsi, komanda daxilində yaranan problemləri operativ şəkildə həll olunmasında birbaşa iştirak etməsi,gələcək planlarının sağlam olmasına dəlalət edir. Belə başa düşmək olar ki, Ehtiram Quliyev ayrıdığı küllü miqdarda maliyə vəsaiti, göstərdiyi diqqət və qayğı ilə ölkədə ikinci “Qarabağ” protatipi olan klub yaratmaq istəyir. Yəni daima çempionluğ oynayan, hər il avrokuboklarda uğurlu çıxış edcək “Turan Tovuz” olması üçün böyük işlər görür. Həmçinin, böyük addımlar atır. Düşünürəm ki, bu addımlar, gördüyü işlərlə belə davam edərsə,buna nail ola biləcək. Heç yaxşı durumda olmayan Azərbaycan futbolunda Ehtitm Quliyev kimi şəxsiyyətli iş adamları, klub prezidentləri nə qədər çox olarsa, ölkəmizdə futbol bir o qədər inkişaf edəcək. Biz mətbuat nümayəndələri, jurnalistlər, AFFA federasiya olaraq,öhtəliyimizə düşəni və bacardığımızı etməliyik ki, belə klub rəhbərlərini, iş adamlarını futboldan küsdürməyək. Əksinə daha çoxalmasına, futbolumuza axın etməsi üçün təkan verməliyik.

Əli HƏYATİ