Bu mövsüm həm "Turan Tovuz", həm də, qapıçı olaraq mənim oyun performansım yaxşı alındı. Yəni ümumi götürdükdə hər şey istədiyimiz kimi getdi. İlk ildə ölkə kubokun yarımfinalına yüksəlmək elə -belə nəticə deyil. Həmçinin, bizim kimi büdcəsi cüzi olan bir klubla bunu etmək asan deyil.

Bu sözləri, Futbolmedia.az saytına açıqlamasında "Turan Tovuz" klubunun qapıçısı Tərlan Əhmədli deyib. Qapıçı özünün çempionat müddətində etdiyi kobud səhvlərdən də, danışdı.

Çempionat ərəfəsində bir neçə dəflərlə kobud səhvlərim oldu. Lakin futbolda belə hallar qaçılmazdı. İstənilən dünyanın hətta ən yaxşı qapıçıları belə gözlənilməz səhvlər edirlər. Düşünürəm ki, ümumi götürəndə zəif çıxış etmədim. Əksinə bir çox qurtarışlarım oldu.