Bir çox insanlar, futbol adamları danışanda ağızlarına çuvallı dovşan sığmır. Hər kəs Azərbaycan futbolunun inkişafından dəm vurur. Lakin əmələ gəlincə, yaxalarını kənara çəkirlər. Ya da, ümumiyyətlə inkişaf üçün dəstək olmurlar. Açdığım söhbət "Qarabağ"ın bazasına bitişik ərazidə olan torpaq sahəsindən gedir. Hansı torpaq ki, 8 il öncə ölkə prezidenti müzəffər Ali baş komandan İlham Əliyev "Qarabağ" klubuna idman akademiyasının tikintisi üçün bağşlamışdı. Daha doğrusu fərman vermişdi. Hətta Tahir Gözel uşaqlar üçün müasir futbol akademiyası tikəcəyini vəd etmişdi. SOCAR-ın balansında olan, "Neftçi" İSM-ə məxsus qurğuda böyük ölçüdə ciddi fəaliyyət yoxdur. Yəni heç bir problem yoxdur ki, bu torpağı klubun balansına köçürsünlər. Lakin sən saydığını say, gör AFFA və onun prezidenti Rövşən Nəcəf nə sayır. Federasiya prezidenti R. Nəcəf aylar öncə "Qarabağ" klubunun bazasında olub. Klub rəhbərləri və idman direktoru Emrah Çelikel AFFA prezidentinə bu yöndə dəstək verilməsini xaiş edib. Lakin xaişləri hələ də, havada qalıb. Yəni bu torpağın cənab prezident İ. Əliyevin göstərişi ilə onlara verildiyini bildirib. Sadəcə klubun balansına köçürülməsi üçün dəstək olmasını xaiş edib. Lakin iş bilməz federasiya rəhbəri həm klubun, həm də, ölkə başçısının xaiş və tapşırığını vurub qulaq ardına. Onsuz da, AFFA rəhbərliyinin "Qarabağ"a qarşı soyuq və laqeyd münasibətindən çox yazmışıq. Bu məmurlar öyrəşib ki, bu məhsuliyyətsizliyinə görə ciddi bir qulaq burması alsınlar ki, ağılları başlarına gəlsin. Adama deyərlər ki, ay Rövşən Nəcəf sən hələ körpə olanda bu klub vardı. Və "Qarabağ" klubu Ümummilli lider, Ulu Öndər [b]Heydər Əliyevin təşəbbüsü sayəsində yaranıb. Yəni Heydər Əliyev iş admı Abdulbari Gözəldən xaiş edib ki, klub yaratsın adını da "Qarabağ" qoysun. AFFA prezidenti Rövşən Nəcəf bilməlidir ki, "Qarabağ" yarandığı gündən bütün Avropada, dünyada Azərbaycan dövlətinin ən güclü Lobbisi olub. Və bu gün də, bu missiyanın öhtəsindən mükəmməl gəlir. Yəni bu klubun etdiyinin heç 5 faizini belə Rövşən Nəcəf və ətrafında yer alanlar etməyib. Danışanda ölkə futbolunun inkişafından dəm vurur. Lakin futbolun inkişaf etməsinə dəstək olmur. Adama deyərlər Rövşən Nəcəf sən kimsən ki, Ali baş komandan İlham Əliyevin əmrini və göstərişini heçə sayasan. Prezidentin sərəncamına saymamazlıq edəsən. Məgər AFFA prezidenti bilmir ki, ölkə başçısının tapşırıqlarını heçə sayan, hörmətsizlik edən şəxslər mütləq bədəlini ağır ödəyər. Adamın vicdanı olar. Burada sual doğuru ki, niyə, nə üçün AFFA rəhbərliyi prezidentin "Qarabağ"a baışladığı torpağı klubun balansına köçürmür? bəlkə R. Nəcəf şəxsi maraqları üçün bu torpaq sahəsindən istifadə etmək istəyir. Niyə imkan vermirsiniz ki, Azərbaycan futbolunu illərdi yaşadan, süni nəfəs verən, "Qarabağ" klubu böyüsün. Azərbaycan millisinə gələcəkdə istedadlı uşaqların, futbolçuların yetişməsi üçün işlər görsün. "Qarabağ" klubunun avropa meydanlarında qazandığı tarixi nəticələr nəyin ki, Azərbaycan xalqını, bütün Türk dünyasını sevindirir. Btün Türk dünyası "Qarabağ"ın böyüməsini, inkişafını istəyir. Təkcə AFFA prezidenti Rövşən Nəcəfdən başqa. Qanında azərbaycanlı qanı, vətənə, millətə, dövlətinə sevgisi olan insan, vəzifəli şəxs "Qarabağ" klubuna qarşı bu haqsızlığı etməz. Rövşən Nəcəf AFFA prezidenti olan dövürdən ölkə futboluna ziyan vurursan. Santuşun milli komandanın sükanı arxasına gətirilməsindən, legioner limitinin ləvğinə kimi yalnış addımlar atırsan. Bu müddət ərzində AFFA bu torpağı "Qarabağ"ın bazasına köçürməyibsə, deməli Rövşən Nəcəf Ali baş komandan, müzəffər prezidentimiz İlham Əliyevin tapşırığını saymır. Və prezidentinə hörmət bəsləmir. İnanıram ki, Cənab prezident İlham Əliyev bu qudurğan məmur tayfasına öz lazımı cəzasını verəcək. Əgər bu məsələ yaxın zamanda həllini tapmasa, bu torpaq sahəsi "Qarabağ"ın balansına tez bir zamanda köçürülməsə, şəxsən mən və ətrafımda millətini, dövlətini, prezidentini, futbolunu, idmanını sevən bir çox jurnalist həmkarlarımla ölkə başçısı hörmətli prezidentimiz Müzəffər İlham Əliyevə məktubla müraciət edəcəyik. Onsuz da, pis durumda olan Azərbaycan futbolunu ucuruma aparan şəxslər qoy cəzalansın. Azərbaycan futbolunu illərdi yaşadan, ölməyə qoymayn "Qarabağ" klubunun uğurlarının qarşısını kimsə alamaz.

Əli HƏYATİ