Bir neçə gündən sonra Azərbaycan futbolunun taleyi həll olunacaq desək, yanılmarıq. AFFA prezidentliyinə bir neçə namizəd arasında hazırda SOCCAR-ın prezidenti postunda çalışan Rövşən Nəcəf daha iddalıdır. Hətta futbol içtimaəti Rövşən Nəcəfin artıq indidən AFFA-nın başqanı olacağı təsdiqləndi. Əgər baş verəcəksə,Azərbaycan futbolundan yaxın gələcəkdə heç bir uğur gözləməyə dəyməz. Bir tənqidçi jurnalist olaraq bunun izahını da, verəcəm. İndi gələk əsas faktlara. Rövşən Nəcəf SOCCAR-ın rəhbəri oldduqdan sonra “Neftçi”nin də, başqanı oldu. Onun kluba gəlişindən sonra nələr baş verdi. İlk olraq, deyim ki, hər şey pisdiyə doğru getdi. Klubun əvvəlki prezidenti Kamran Quliyevi göndərib, yerinə Basketbol federasiyasında çalışmış, futbolla bağlılığı olmayan, Fərrux Mahmudovu “Neftçi”nin rəhbəri təyin etdi. Bu təyinatın məntiq və əsas baxımından nəyə söykəndiyini dərk etmək güc. Axı Fərrux Mahmudov basketbolu daha çox sevir, daha çox bilir. Onun Ölkənin ən köklü tarixə malik klubu olan “Neftçi”də nə işi var? Kluba gələndən bəri də, gördüyü bir ciddi iş yoxdur. Mətbuata da, açıqlamasında mən bir çox məsələlərə, o, cümlədən transferlərə falana qarışmıram. Adama sual verərlər bəs nəyə qarışırsınız, klubun hansı problemini həll etmək üçün buradasınız? Sizin gəlişinizdən sonra “Neftçi” çempionluq şansını daha erkən itirdi. Ölkə kubokunu qazanması da, sual altındadır. “Neftçi”nin Avrokuboklara vəsiqə qazanması isə sual altındadır. Çünki klub hazırda 43 xalla 2-pillədədir. Və turnir cədvəlindəki sıxlıq isə "Neftçi"nin avrokuboka qatılmaq şansını çox azaldır. İki ardı-arda məğlubiyyət belə avrokuboklara vəsiqəsiz qala bilərlər. Turnir cədvəlindəki sıxlığa özünüz baxın.

1. Qarabağ 27 69 - Çempiondur
2 Neftçi 27 43
3 Zirə 27 42
4 Sumqayıt 27 42
5. Sabah 27 - 40
6 . Səbail 27 38
7 Turan Tovuz 27 36
8 Araz-Naxçıvan 27 32
9 Kəpəz 27 27
10 Qəbələ


Turnir cədvəlindəki duruma özünüz də, baxın. “Zirə”nin, “Sumqayıt”ın, “Səbail”in, hətta “Turan Tovuz”un da, Avrokubok şansını “Neftçi”dən ala bilərlər. Məhz tarixi klubun yeni rəhbərliyin gəlişindən sonra durumu bax belə ağırdır.

Rövşən Nəcəf “Neftçi”yə rəhbərlik etdikdən sonra gətirdiyi kadırlar Fərrux Mahmudov , Emin Əfəndi kimi işlərinin öhdəsindən gələ bilməyən, bacarıqsız rəhbərlik heyətidir. Birinin Basketbol sevdası, digərinin isə Şou Biznes maraqları, futbola olan maraqlarını üstələyir. Emin Əfəndi artistlərlə, müğənnilərlə çalışır. Gün ərzində vaxtının çoxunu onlara, prodüseri olduğu Mir Yusifə sərf edir. Onun klubla dərindən maraqlanacağını zənn etmirəm. Klubun bir mətbuat xidmətinə ki, jurnalist olaraq mən məsləhət verəndən sonra klubun rəsmi mövqeyini, rəsmi saytda yerləşdirilər. Mətbuat xidmətinin rəhbəri Emin Əfəndi ilə danışıqdan sonra bildirdim ki, siz peşəkar klubsunuz. “Neftçi” ilə bağlı hər hansı vacib məlumatı, sizə ünvanlanan iddianı cavablandırmağınız rəsmi sayt vasitəsi ilə olur. Klubun sosial şəbəkə vasitəsiylə məlumat verməsi yetərli deyil. Bu iradımdan bir saat keçməmiş rəsmi saytda, rəsmi məlumat yerləşdirilər. Bu hadisə iki dəfə olub. İndi qalanını əziz oxucular özünüz fikirləşin. Sözmün canı odur ki, Rövşən müəllim belə bacarıqsız kadırları “Neftçi”yə gətirdikdən, rəhbər vəzifələrə təyin etdikdən sonra, klub bir neçə məşqçi dəyişib. Təsəffür edin, futboldan az-maz başı çıxan insan heç bir zaman baş məşqçi kimi uğuru, təcrübəsi olmayan, Adrian Mutunu klubuna baş məşqçi gətirməzdi. Lakin “Neftçi” rəhbərliyi bu səhvi etdi. Mutunun təyinatının səhv olduğunu mətbuat olaraq biz çox demişdik. Çox tənqid etmişdik. Lakin qulaq verən olmadı. Mutunun uğursuzluğundan sonra Rumın məşqçi “Neftçi”ni qoyub ölkəsinə qaçdı. Bəli. Sözün əsl mənasında səriştəsiz, bacarıqsız,“Neftçi” rəhbərliyinin əlindən qaçdı. Klubu çətin durumda qoyan klub rəhbərliyi yeni baş məşqçi Miodraq Bojoviçi gətirdi. Onun da, gəlişi hələ ki, lazımı effekt verməyib. Bütün bunları sadalamaqda məqsədim odur ki, Rövşən Nəcəfin “Neftçi”yə gəlişi kluba yaxşı nə verib ki, AFFA-ya gəlişi də, Azərbaycan futbolunu uğurlu gələcəyə daşısın. Yəni “Neftçi” nə xeyir görüb ki, Azərbaycan futbolu da, nəsə bir fayda görsün. Nə qədər ki, “Neftçi”də Frərrux Mahmudov, Emin Əfəndi kimi futbola aidiyyatı olmayan şəxslər çalışacaqsa, ürəksiz işləyəcəklərsə, heç bir uğur gözləməyə dəyməz.

Əli HƏYATİ