Azərbaycan premyer liqasının 2023-2024-cü il mövsümünə start verildi. Elə ilk turdaca sensasiyalı və maraqlı nəticələr oldu. “Neftçi” Gəncə səfərində məğlub oldu. Son çempion “Qarabağ” isə evdə “Zirə”yə minimal hesabla uduzdu. “Turan Tovuz” premyer liqaya yeni vəsiqə qazanan “Araz – Naxçıvan”a böyük hesabla qalib gəldi. Görünür hələ mövsümün sonuna kimi belə nəticələr çox olacaq. Mənim bir tənqiçi jurnalist olaraq diqqətimi hələ keçən ildən “Turan Tovuz” və komandanın göstərdiyi performans çəkdi. Daha doğrusu gənc və eyni zamanda baş məşqçi kimi təcrübəsi kifayyət qədər olan Ayxan Abbasov diqqətləri üzərinə çəkdi. Keçən mövsüm premyerliqaya vəsiqə qazanan büdcəsi “Şamaxı”, “Kəpəz” qədər olan bu klub yaxşı mənada təəccübləndirdi. Bəlkə də, “Turan Tovuzu”n baş məşqçisi başqa biri olsaydı, indi Tovuz klubunun aqibəti “Şamaxı”nın aqibəti kimi olacaqdı. Bəli. Məhz Ayxan Abbasovun futbol fəlsəfəsi, bacarığı, rəqibləri hər zaman doğru-düzgün analiz etməsi qərb təmsilçisini bu qədər sıçrayışla ucaltdı. Qısa bir müddətdə döyüşkən və heç bir rəqibdən çəkinməyən komanda formalaşdırmaq hər baş məşqçinin bacardığı iş deyil.

Düzünü deyim ki, nə mən, nə mətbuat, nədə ki, futbol camiyəsi belə uğurlu debüt gözləmirdi. Komandanı Azərbaycan kubokunun yarımfinalına daşıyan Ayxan Abbasov, çempionatda da, yaxşı nəticələr qazandı. Bütün güclü rəibləri özünə və komandasına hörmətlə yanaşmağı, çəkinməyə məcbur edirdi. Ayxan Abbasovu həm futbolçu, həm də, məşqçi kimi uzun zamandı yaxşı tanıyıram. “Sumqayıt”da etdikləri, qazandığı nəticələri unutmaq olmaz. Bütün bunlara rəğmən “Sumqayıt” rəhbərliyinin ona qarşı haqsızlığıda, unudulmadı. Mənə görə Ayxan Abbasov Azərbaycanda ən güclü məşqçilərdən biridir. Hazırda siyahıya qazandığı nəticələrlə Qurban Qurbanov başçılıq edirsə, A. Abbasov da, ən yaxşılar siyahısında 2-cidir. Bu mütəxəssizin futbol fəlsəfəsi tam fərqlidir. Oyun sistemi, rəqiblərə görə taktiki gedişatları isə mükəmməldir. Bu mövsümün ən yaxşılarından biri kimi “Turan Tovuz”u, ən yaxşı məşqçilər sırasında da, A. Abbasovu görürəm. Fikrimcə, “Turan Tovuz” ölkə kubokunun finalına kimi gedə bilər. İlk turlardakı oyunlar göstərdi ki, çox gərgin bir mübarizə olacaq. “Turan Tovuz”un avrokuboklara vəsiqə qazanmaq şansı da, yüksək olacaq. Keçən mövsüm idman mətbuatı, müəyyən mənada A. Abbasovun üzərinə çox getdi. Bir çox uğursuz oyunlardan sonra haqsız tənqidlər oldu. Hətta azarkeşlər belə birdən – birə baş məşqçidən çox şey tələb etməyə başladılar. Buradan həmkarlarımıma səslənərək bildirirəm ki, A. Abbasov kimi güclü, istedadlı, bacarıqlı, nəticə verə bilən Azərbaycanlı məşqçilərə dəstək olmaq lazımdır. Çünki bizə qalan onlar olacaq. Aleksey Baqalar, Regeqamflar, Adrina Mutular yox. İmakn verin mütəxəssiz işini görə bilsin.



Hər kiçik uğursuzluğa görə baş məşqçiləri belə sərt tənqid etmək olaz. Bir baxın görün keçən mövsüm Tovuz klubunun baş məşqçisi nə qədər istedadlı yerli futbolçular tapıb üzə çıxardı. Faiq Hacıyev,Sadq Quliyev və sair kimi güclü, gənc istedadlara premyer liqada kifayyət qədər özünü sübut etmək üçün şans verdi. Və əla da, nəticə oldu. Hər iki futbolçu Azərbaycan millisinin heyətində oynamağa layiq futbolçulardı. Bunu hər məşqçi risk edib bacarmır. Əcnəbilər isə heç yerli futbolçularımızın, Azərbaycan futbolunun gələcəyini düşünməzlər.Sözün qısası, bu mövsüm “Turan Tovuz” və baş məşqçisi A. Abbasovdan yüksək performans, əla nəticələr gözləməyə dəyər. Əlbəttə ki, kənardan müdaxilələr, quyu qazmaqlar, hakim ədalətsizlikləri olmasa. Şəxsən bu mövsüm mənim fovaritim A. Abbasov və onun “Turan Tovuz” klubu olacaq.

Əli HƏYATİ