Azərbaycan preemyer liqası getdikcə maraqlı və gərgin olmağa başlaylb. Yavaş -yavaş kartlar açılmağa başlayır. Kimlərin, məşqçilərin, klubların və yeni transferlərin nəyə qadir olduğunu görməyə başlayırıq. Dünən keçirilən "Səbail" - "Kəpəz" qarşılaşmasında Şahin Diniyev və komandası nəyə qadir olduğunu bir daha sübut etdi. Daha doğrusu, "Səbail" və futbolçuları yavaş-yavaş öz oyununu tapır desək yanılmarıq. Həm Şahin Diniyev, həm də, mən bir tənqidçi jurnalist olaraq bu komandanın gələcək potensialını yüksək qiymətləndirmişdim. Oyundan - oyuna artıq gözlənilirdi. Dünənki oyunda da, bunu gördük. Şahin Diniyevin igidləri "Kəpəz"i darmadağın etdi. Bu oyunda da, Şahin Diniyev məşqçi olaraq Roman Qriqorçukdan sonra Adil Şükürovu da üstələdi. Bütün kompanentlərdə Şahin Diniyev və "Səbail" rəqibindən üstün oldu. Elə ilk qol da, erkən gəldi. Bu böyük hesablı qələbə çox şeydən xəbər verir. Lakin ən əsası isə meydanda məşqçinin qoyduğu bir oyun sistemi var. Futbolçuların boş -boşuna meydanda top arxasınca ora-bura qaçmadığı, meydanda vacib iş əmsalı yerinə yetirdiyi, sistemli şəkildə oynadığını açıq-aydın görünür. Yəni Şahin Diniyev lap yeni komandasına istədiyi sistemi, taktikanı otuzdura bilir. Azərbaycanlı təcrübəli mütəxəssizin etdiyi transferlərin faydalı olmasına gəlincə isə Ayman Buali, Queta, Sofir, Fərid Nəbiyev əla seçimlərdi. Xüsusən də, Sofir getdikcə yüksək formasını yığır. Çox sürətli, texnikalı, meydanda daima hərəkətdə olan, irəli -geri durmadan işləyən əla futbolçudur. Dünənki oyunda da, möhtəşəm oynadı. Digər futbolçular da, mükəmməl idi. İndi siz özünüz deyin ki, Şahin Diniyev futbolçu seleksiyasını mükəmməl bacarır. Ona görə də, hər zaman yüz ölçür-bir biçir. Başqa məşqçilər kimi transfer xətrinə, faiz xətrinə futbolçuları nətər gəldi transfer etmir. Dünənki fantastik qələbədə birinci Şahin Diniyevin baş məşqçi olaraq böyük payı var. Çünki həm komandanı yığan, futbolçuları həm sistemli, həm də taktiki planda, həmçinin psixoloji olararq baş məşqçi hazırlayır. Bundan başqa, Generalsız, komandirsiz ordu uğur, qələbə əldə edə bilməz. Hər bir ordunun işləyən və idarə edən beyni olur. "Səbail"in də, beyni, hər şeyi Şahin Diniyevdir. İnanıram ki, növbəti turlarda bu uğurların arxası mütləq gələcək. Fantastik və böyük hesablı qələbələrin arxası gələcək. Dünənki matçda Şahin Diniyev qələbəyə ac CANAVAR kimi idi. Canavarlarda belə bir xüsusiyyət var. Qorxu bilməzlər. Hətta biraz qorxusu olsa belə canavarlar mütləq hər zaman addımını birazda irəli qoyur. Heç zaman geri addım atmır. Bu üzdən qorxmaz Boz Qurd deyilir. Şahin Diniyev də, heç bir oyunda, heç bir rəqibindən qorxmayan canavarı xatırladır.

Əli HƏYATİ