Azərbaycan premyer liqasının növbəti mövsümü öz axarı ilə davam edir. Dünən 2-ci turun növbəti oyunları keçirilidi. Demək olar ki, bütün gözlər, diqqətlər, “Səbail” – Neftçi” qarşılaşmasına yönəlmişdi. Hər kəs Qriqarçukun rəhbərliyi altında yeni “Neftçi”nin nə edəcəyini, “Səbail”in Şahin Diniyevin rəhbərliyi altında ən azı keçən ilki kimi gözəl oyun, sensasiyalar edə biləcəyini türklər demiş mərak edirdi. Elə gözlənildiyi kimi oyun maraqlı və bir çoxları üçün gözlənilməz oldu. Daha doğrusu, çoxları bu il maliyə gəliri yarıba-yarı azalan Şahin Diniyevin “Səbail”nin nəyə qadir olduğunu görmək istəyirdi. Həqiqətən də, Şahin Diniyev bir canlı əfsanə, böyük məşqçi və futbol məktəbi olduğunu göstərməkdə davam edir. Dünən “Neftçi”nin heyətində ölkənin ən güclü, ən səviyyəli yerli və legioner futbolçuları oynayırdı. Bu komanda “Səbail”i həm maliyə, həm futbolçuların səviyyəsi baxımından çox-çox üstələyir. Hazırki baş məşqçisi də, zəif olmayan, “Qəbələ” klubunu iki dəfə avroliqaya çıxarmış Qriqarçuk idi. Lakin bizim Şahin Diniyev sübut etdi ki, Qriqarçuk kimlərindən daha səviyyəli məşqçidir. Əlbəttə ki, işləməyə imkan versələr, daha yaxşı nəticələr əldə edə bilər. Dünən “Səbail” “Neftçi”ni bir çox kompanentlərdə üstələdi. İlk öncə deyim ki, Şahin hocanın meydandakı taktiki gedişatları,oyun planı, meydanı düzgün görməsi, vəziyyəti yaxşı dəyərləndirməsi, əvəz etmələr və sair də, Roman Qriqarçuku məğlub etdi. Yəni ondan üstün oldu. Mən deyərdim ki, “Səbail” dünənki əzimkarlığı ilə, sürətli əks –hücumları ilə “Neftçi”dən daha dəqiq və üstün idi. Düşünürəm ki, dünən “Səbail” qalib gəlməyə layiq idi. Dünənki oyunda hakim idarəçiliyi mükəmməl idi. Matçın baş hakimi Kamal Umudlu dünən ideal oyun idarə etdi. Necə deyərlər, matçın iplərini əlində saxlamağı bacardı. Ən əsası isə dünənki oyunda keçən turda və keçən ilki kimi hakim qərəzi görmədik. İlk turda, “Zirə” ilə oyunda “Səbail”ə edilən haqsızlıqlar olmadı. Əslində hakimlik belə olmalıdır.Tam ədalətli. Gərək biz tənqidçi jurnalistlər, Əli Həyati kimi yazarlar hakimliyi sərt tənqid edə, iç üzlərini açığa çıxarda, ondan sonra bu hakimlər normal oyun idarə edə hə? Bəlkə də, keçən oyunda “Səbail”ə edilən haqsızlıqlara görə hakimliyi sərt və açıq şəkildə tənqid etməsəydim, bəlkə də,dünənki oyunda Kamal Umudlu da, hoqqa verəcəkdi. “Səbail”in haqqını tapdalaya bilərdi. Gələk Şahin Diniyevin iki tura gördüyü işə. Bir kəlmə ilə bravo. İki tura komandanın ipini yığdı, klubda, oyunlarında nə əyri əskik vardısa, onlara çəki düzən verməyi bacardı. Mən demişdim və yenə də, deyirəm ki, Şahin Diniyevin futbol fəlsəfəsi mükəmməldir. Bu il də, Azərbaycanlı mütəxəssizdən əla bir gedişat, yaxşı nəticələr gözləyirəm. Keçən il hakimliyin bərbad, qərəzli idarəçiliyi olmasaydı, “Səbail” indi avrokuboklarda mübarizə aparırdı. Düşünürəm ki, turdan –tura daha yaxşı, daha istəkli, sürətli, yaxşı nəticələr qazanan “Səbail” görə biləcəyik. Dünənki oyun və nəticədən sonra demək olar ki, Şahin Diniyev döyüş meydanına geri dönən aslandır.

Əli HƏYATİ