Getdikcə çox maraqlı olmağa başlayan Azərbaycan çempionatında gərginlik pik həddə çatır. Turnir cədvəlində "Qarabağ"ı çıxmaq şərti ilə mövqelər, yerlər, dəyişməkdə davam edir. Təsəffür edin ki, çempionatın əvvəlində və ortalarında "Zirə" klubu 1-ci pillədə idisə, hazırda 5-ci pillədə qərarlaşır. Bu sıraya "Sabah"ı, "Aaraz Naxçıvan"ı da, salmaq olar. Çox çətin və gərgin mübarizə gedir. Bütün bunlara rəğmən Şahin Diniyevin rəhbərlik etdiyi "Səbail" yenidən əvvəlki yerinə, 2-ci pilləyə qayıtdı. "Qarabağ"dan sonra "Səbail" ən güclülər sırasındadır. Mən deyərdim ki, Şahin Diniyev və onun aslanları öz oyunları, qələbəyə inamları ilə bu pilləni haqq edirlər. Gələk elə dünən Qəbələdə meydan sahibləri ilə oyundakı möhtəşəm şou göstərişinə. "Qəbələ"nin qonağı olan "Səbail" həqiətən də, 2-ci pilləyə layiq olduqlarını bir daha sübut etdilər. "Səbail" ilk yarıda iki qol buraxıb özünə bənzəməsə də, ikinci yarıda fantastik oynadı. Şahin hocanın komandası belə oyunlarda, yəni geridönüş etməkdə mahirdir. Bir çox oyunlarda geridönüş etməklə möhtəşəm nəticələrə imza atıblar. Lakin düzünü deyim ki, "Qəbələ" ilə oyunda bu inanılmaz idi. Həm də, çox fərqli oldu. İlk yarıda qonaqlar və müdafiə xətti özünə bənzəmirdi. Həm qapıçı Səlahət Ağayev, həm də, müdafiə xətti çox kobud uşaq səhvlərinə yol verdilər. Belə olmasaydı, "Səbail" bəlkə də, heç rəqib komandadan 2 qol buraxmayacaqdı. Gələk dünənki oyunun fantastik nəticəsinə. İlk yarıda 2 top geri düşən "Səbail", ikinci yarıda yaralı aslan kimi meydana çıxdı.

Bu möhtəşəm qələbədə baş məşqçilərin duelini xüsusi vurğulayardım. İkinci hissədə "Səbail" meydanda tam fərqli bir sistem, taktika icra etdi. Şahin Diniyev kimi güclü mütəxəssizlər həqiqətən də, çox gedişli, şaxəli, fərqli sistemlər icara etmək bacarığını bir daha sübut etdi. Məhz bu oyunda da, baş məşqçinin ağıllı gedişatlarını, taktikasını, futbolçulara motivatsiya verməsini xüsusi vurğulayardım. Yoxsa ki, "Səbail"in futbolçulrı elə ilk yarıda uduzan, uşaq səhvlərindən 2 qol buraxan futbolçulardı da. Bir sözlə, Şahin Diniyevin futbol biliyi, fəlsəfəsi,ağıllı gedişatları Kaxaber Tsxadadzeni üstələdi. Bunu görməmək mümkün deyildi. İkinci yarıda meydanda tək bir komanda vardı. O, da Şahin Diniyevin "Səbail"dir. Bu artıq 8-9 oyundur ki, Şahin Diniyev məğlub olduqları oyunları öz xeyirlərinə çevirməyi bacarır. Buna ingilislər "Come Back" deyir. Sonra bir söz də, demək iatəyirəm ki, gürcüstanlı məşqçi Kaxaber Tsxadadzeni gözündə böyüdən, ümumiyyətlə əcnəbi məşqçiləri yerlilərdən çox üstün görənlərə bir sözüm var. Dünən bizim Şahin Diniyev bəh -bəhlə adından danışdığınız Kaxaber Tsxadadzeni fərqli məğlub etdi. Ondan güclü olduğunu göstərdi. Yerli məşqçilərə Qurban Qurbanov, Şahin Diniyev və sairlərə güvənmək lazım olduğunu bir daha sübut etdi. Konkret Şahin Diniyev dünən Kaxaber Tsxadadze mifini darmadağın etdi. Bu gedişlə "Səbail" mövsümün snuna kimi haqsızlıq olmazsa, 3 pillədən birini mütləq tutacaq.

Əli HƏYATİ