Premyer Liqamızın 14-cü turunda "Səbail" evdə aşağı pillədə qərarlaşan "Kəpəz"i qəbul edirdi. Bir çoxları Şahin Diniyevin komandasından qələbə gözləyirdi. Hətta bir qədər uzağa gedərək, darmadağını da, proqnoz etmişdilər. Lakin unutmuşlar ki, futbolda proqnoz sonuncu nəticədir. Özü də, Azərbaycanda və bu mövsüm hansısa klubun qabaqcadan tam əminliklə qalib gələcəyini, uduzmağını söyləmək. Çoxları Şahin Diniyevi qınadı ki, zəif "Kəpəz"i, axrıncı pillədə olan komandanı evdə niyə məğlub edə bilmədiniz. Əslində bunu deyən adam bir qədər fikirləşməli, müəyyən detallara fikir verməlidir. Dünən "Turan Tovuz" sonsu pillələrdə qərarlaşan "Qəbələ"yə darmadağın oldu. Kim gözləyərdi bu nəticəni? Öncədən onu deyim ki, bu həmin "Kəpəz"dir ki, evdə "Neftçi"ni udub. Bu həmin "Kəpəz"dir ki, səfərdə "Qarabağ"a qol vurub, bir xal alıb. Dünyanın bütün futbol ölkələrində belə sensasiyalar olur. Zəif komanda güclü rəqibindən xal qopara bilir. Elə dünən La Liqanın lideri "Barselona" səfərdə zəif rəqibi Rayo Valekano" ilə oyunda məğlubiyyətdən canını zorla qurtardı. Son dəqiqələrdə bərabərlik qolunu vurmağı bacardı. Sözüm onda yox. Gələk "Səbail"in xal itirdiyi "Kəpəz"lə oyuna. İlk olaraq bu oyun bir qədər başqa bir zamanda, saatda keçirilməsi mütləq şəkildə meydan sahiblərinin oyununa təsirsiz ötüşmədi. "Səbail"in ev oyunları hər zaman axşam saatlarına düşür. Buna görə də, futbolçulara təsirsiz ötüşmür. Biz jurnalistlər də, yaxşı bilirik ki, futbolçular məşqə axşam çıxır, və gec yatan olurlar. Səhər də, yuxudan gec oyanırlar. Biz jurnalistlər belə onlardan günorta saat 12:00-da 13:00 da zəng edərək müsahibə almaq istəyən zaman yuxulu olduqlarını görürük. Bütün bu amillər futboluların fiziki və psixoloji durumuna təsir etdi. Digər tərəfdən "Kəpəz"də baş məşçi dəyişkliyi baş tutub. Buna görə də, komandada bir canlanma var. "Səbail"dən öncə, keçən turda "Araz Naxçıvan"ı məğlub etdilər. Şahin Diniyev demişkən bir xala da, şükür etməliyik. "Kəpəz"i məğlub edə bilməyən "Səbail"i və Şahin Diniyevi əlinuzə balta alıb, tez -tələsik baltalamaq lazım deyil. Səbəb kimi də, "Səbail"in axırıncı yerdə gedən, zəif rəqibi "Kəpəz"i məğlub edə bilməməsidir. Bəs "Qarabağ"ın, "Neftçi"nin evdə və səfərdə "Kəpəz"lə oyunlarda xal itirməsinə niyə susurdunuz? niyə səsiniz çıxmadı. "Səbail"i və Şahin Diniyevi gözümçıxdıya salmaq lazım deyil. Çünki Şahin Diniyev də, bu vətənin oğludur. Azərbaycan futboluna xidmət edir. Qalib gələ bilməməsi normaldır. Bunun da bir çox əsaslı səbəbləri var. Müəyyən səbəblər baş məşqçidən, futbolçulardan aslı deyil. Vaxt səbəbi, komandanın bir neçə aparıcı oyunçusunun olmaması, müəyyən rotasiyaların olması və sair. Bunlar kifayyət qədər sanballı əsasdır. Düşünürəm ki, Şahin Diniyev və onun "Səbail" irəlidə hələ daha yaxşı nəticələr qazana biləcək. Mənim gördüyüm, düşündüyüm, qış fasiləsinə kimi "Səbail"in 2-ci pillədə qərarlaşması olacaq. Düşünürəm ki, "Zirə"ni üstələyəcək. Ən pis halda belə 3-cü pillədə fasiləyə yollanacaq. Bu isə çox əla nəticədir. Neçə illər autsayder olmuş, yalnız Şahin Diniyevin gəlişindən sonra zirvəyə qalxan, liderlər mövqeyində mübarizə aparan "Səbail" üçün əla nəticə olacaq.