Millimiz Avro 2024-cü ilin seçmə mərhələsi çərçivəsində Bakıda gülü Belçika yığmasını qəbul etdi. Doğma meydanda minimal hesabla məğlub oldu. Lakin məğlub olmasına baxmayaraq seçmə komandamız adlı-sanlı rəqibinə əməlli başlı müqaviəmət göstərdi. Bəlkə də, çoxları bu oyunda Azərbaycan millisinin ulduzlar toplusu olan Belçika yığmasına böyük hesabla uduzacağını təxmin edirdi. Lakin gedişat və nəticə tam tərsini göstərdi. Gələk millinin oyununa. Daha doğrusu heyətdə ən yaxşı performans göstərənlərə. Oyunu sonuna qədər izləyən bir futbol jurnalisti, mütəxəssizi kimi komandanın ən yaxşılarından birinin məhz Coşqun Diniyevin olduğunu deyə bilərəm. Açığını deyim ki, belə güclü rəqibə qarşı Coşqun Diniyevin əla oyun və performans göstərəcəyini bəlkə də, çoxları gözləmirdi. Coşqun yaxşı və texnikalı futbolçudur. Milli komandanın heyətində də, az oyun keçirməyib. Lakin əminliklə deyə bilərəm ki, C. Diniyevin legioner həyatı yaşaması, onun oyununa, performansına çox müsbət təsir etdi. Belçika millisinin heyətinin 90 faizi fiziki və texnika baxımından yüksək futbolçulardı. Belə cüssəli, texnikalı, Avropanın tanınmış klublarında top qovan futbolçulara qarşı başa -baş oynamaq hər Azərbaycanlı futbolçunun gücü üçün deyil. Lukaku kimi dünya ulduzu və digərlərinə oyun boyu göz açamağa imkan vermədi. Coşqun Diniyev bundan əlavə meydanda matçın sonuna kimi yüksək temp nümaiş etdirdi. Bu isə futbolçunun fiziki gücünün yüksək olması deməkdir. Düşünürəm ki, Coşqun Türkiyədə legioner həyatı yaşamağa davam edərsə, daha mükəmməl nəticələrə imza atacaq. Coşqunun Belçika millisinə qarşı oyununu təsadüf adlandırmaq istəyənlərə isə bir neçə gün sonra İordaniya ilə yoldaşlıq görüşündəki oyunu da, tutarlı cavab oldu. Meydanda 70 dəqiqə olan Coşqun yenə ən yaxşılarından biri olduğunu göstərdi. Və qələbədə onun da, payı oldu. Azərbaycanlı mütəxəssiz Şahin Diniyev də, Coşqunun çox artırdığını, onu oyunu ilə təəccübləndirdiyini mətbuata açıqlamışdı. Bu iki oyunu qənaətinə gələrək deyə bilərəm ki, Coşqun Diniyev mütləq millinin bütün oyunlarında əsas heyətdə olmalıdır.

Əli HƏYATİ