Azərbaycanın yaxşı klublarından biri olan "Qəbələ" UEFA Konfrans Liqasının 2-ci təsnifat mərhələsində Kiprin "Omoniya" klubu ilə qarşılaşdı. İlk görüş qəbələdə oldu. Bu görüşdə futbol adına hər şey görə bildik. Bol qollar, penalti, futbol adına yüksək adrenalin də vardı. "Qəbələ" klubu demək olar ki, yenidən qurulan heyətlə evdə güclü və məşhur rəqibinə əməlli başlı baş ağrısı oldu. Təssüflər olsun ki, səfərdə böyük hesabla məğlub oldu. Düzdü, mətbuat bu böyük hesablı məğlubiyyətə ağız büzüb, tənqid etdi. Bir çoxları hətta "Qəbələ"nin səfərdə yaxşı nəticə qazanaraq məhələ adlaya biləcəyinə də, işarə vururdu. Lakin cənablar gəlin hər şeyə reallıqla yanaşaq. Mövsüm bitər -bitməz "Qəbələ"nin bir çox aparıcı yerli və legioner futbolçuları klubdan maliyə məsələsinə görə ayrıldı. Burada baş məşqçi Elmar Baxşıyevin heç bir günahı yoxdur. Klubun maliyə imkanları nəyə çatırsa, ona uyğun heyət qurulur. Elmar Baxşıyev mətbuata açıqlamasında dəflərlə bildirmişdi ki, heyəti qorumaq çox çətin olacaq. Çünki digər rəqib klublar onlara iki dəfə artıq maaş təklif edirlər. Elə belə də, oldu. Azərbaycan premyer liqasında 2023-2024 –cü ilin startı verildi. “Qəbələ” ilk turda “Sabah”a (5:0) hesbı ilə darmadağın oldu. Avrokubokda “Qəbələ”yə ağız büzənlərin əlinə necə deyərlər fürsət düşüb. Sağdan da, döşədilər, soldan da vurdular. Ay nə bilim “Qəbələ”yə taraşan məğlubiyyət, oyun deyildi deyirlər. Keçən il “Qəbələ” həm səfərdə, həm də, evdə “Sabah”a Türklər demiş kafa tuturdu. Lazımı xallar almağı bacarmışdı. Nə isə çox tənqidlər edirlər. Ancaq tənqidin də, həddi və reallığı olmalıdır. Düzdür, Elmar Baxşıyevin və komandasının (5:0) məğlubiyyətinə haqq qazandırmaq olmaz. İstənilən halda uğursuzluqdu. Ancaq keçən ilki “Qəbələ”nin heyəti hara, indiki yenidən qurulan heyət hara. Bir də, ki, yeni transferlərin baş məşqçinin oyun sisteminə, taktikasına, öyrəşməlidirlər. Legionerlər isə Azərbaycan futboluna odaptasiya etməlidir. Bütün bunlar üçün zamana ehtiyac var. Bizim mətbuat da, bir zəiflik görən kimi daima düşürlər həmin məşqçinin və ya, futbolçunun üstünə. Elmar Baxşıyev Azərbaycan futbolu üçün xoş gələcək bəxş edəcək məşqçilərdəndir. Neçə -Neçə gənc futbolçular yetişdirib. Azərbaycan millisinin müxtəlif yaş dövürlərində “Qəbələ”nin neçə futbolçusu oynayır. Bütün bunlarda Elmar Baxşıyevin rolu böyükdür. Hələ qalıb işinə davam edərsə, daha istedadlı gəncləri üzə çıxarda bilər. Mənə görə də, hazırki reallığa görə də, Elmar Baxşıyev Qurban Qurbanovdan sonra ölkəmizin ən güclü ikinci baş məşqçisidir. Kiçik maliyə ilə, gənc futbolçulardan əla, döyüşkən bir kollektiv qurmağı bacardı. Artıq neçə illərdi ki, bu məşqçi gözlənilənlərdən də, artığını klubu və Azərbaycan futbolu üçün edir. Düşünürəm ki, ölkə çempionatında da, yeni mövsümdə Elmar Baxşıyevin rəhbərliyi altında əzimkar, döyüşkən bir "Qəbələ" görə biləcəyik. Lakin bu mövsüm çox çətin olacaq. Çünki bütün klublar həddindən artıq güclənib. keyfiyyətli legionerlər transfer ediblər. Həm "Neftçi", həm "Sabah", həm "Zirə" və sair. Düşünürəm ki, Elmar Baxşıyev "Nefçi"nin baş məşqçisi olsaydı, ona bu şərait, bu vəsaitdən yararlanmaq imkanı verilsəydi, "Neftçi"ni avrokubokların qrup mərhələsinə çıxardardı. Hətta çempionluğu belə "Qarabağ"ın əlindən almaq gücünə, potensialına malik məşqçidir. Azərbaycanlı mütəxəssiz təkcə əla baş məşqçi deyil, həm də, gözəl xasiyyətli, sadə və mehriban insandır. Gəlin Elmar Baxşıyevə və onun timsalında yerli, Azərbaycanlı məşqçilərə dəstək olaq. Onların məğlubiyyətlərinə belə güzəştlə yanaşaq. Çünki bizə qalan yerli, Elmar Baxşıyev kimi Azərbaycanlı məşqçilər olacaq.

Əli HƏYATİ