"Qəbələ"nin baş məşqçisi Elmar Baxşıyev Konfrans Liqasının 2-ci təsnifat mərhələsində səfərdə Kipr "Omoniya"sı ilə cavab oyunundan (1:4, ilk matç - 2:3) sonra fikirlərini bildirib.

Futbolmedia.az xəbər verir ki, o, keçirilən mətbuat konfransında turnirlə vidalaşmaları ilə bağlı deyib:

“Ötən həftə keçirilən ilk oyunda komandamdan istədiyimi meydanda görürdüm. Həmin qarşılaşmada daha çox üstün olan tərəf biz idik. Amma bu gün “Omoniya” üstün futbol nümayiş etdirdi. Rəqib layiqli qələbə qazandı. Biz yeni komandayıq. İnanıram ki, oyunlar getdikcə komandamız iddiasını göstərəcək və yenidən qüvvəsini Konfrans Liqasında sınayacaq. Rəqibə uğurlar arzulayıram”.