“Sıx qrafikimiz var. Süni ot örtüyündə oynamaq çətin idi. Amma biz zəif təsir bağışlamadıq. Layiqli qələbə qazanaraq finala yüksəldik".

Futbolmedia.az xəbər verir ki, bu sözləri "Qəbələ"nin baş məşqçisi Elmar Baxşıyev Azərbaycan kubokunun yarımfinalının "Səabail"lə cavab matçından sonra mətbuat konfransında deyib.

İlk oyunda 3:2 hesablı qələbə qazanan "Qəbələ" bugünkü matçda 1:0 hesabı ilə qalib gələrək finala yüksəlib. E.Baxşıyev qələbəni belə şəh edib: "Bu oyun üçün uşaqlara təşəkkür edirəm. Finala çıxmağı qeyd etməyə belə vaxtımız yoxdur. Qarşıda çempionatda “Səbail”lə oyun var. Bütün fikrimizi Premyer Liqaya yönəltmişik. Artıq eyni rəqiblərlə ardıcıl oynamağa öyrəşmişik. Onları yenidən məğlub etmək çətin olacaq".

Baş məşqçi "Neftçi" ilə final matçı haqda da danışıb: "Onlar kuboku qazanmaq istəyirlər, amma biz də qarşımıza belə vəzifə qoymuşuq. Ümid edirəm ki, uğur qazanacağıq".