Konfrans Liqasının 2-ci təsnifat mərhələsində keçirilən "Qəbələ”səfərdə "Fehervar”la qarşılaşdı. Belə qarşılaşmaqdansa, heç oynamasa yaxşı olardı. Tam bir rəzalət. “Qəbələ”nin gənc, təcrübəsiz baş məşqçisi haqda çox şey yazmağı məsləhət bilmədim. Daha doğrusu çox tənqid etmirəm. Çünki baş məşqçi kimi hələ futbolda yetərincə təcrübəsi yoxdur. Bundan başqa hələ Azərbaycan futbolu adına səmərələi bir iş görməyib. Əlbəttə ki, səhvləri hələ çox olacaq. Lakin elə səhvlər var ki, onları bağışlamaq olmaz. Onları mütləq deməli, yazmalı və tənqdi etməlisən. “Qəbələ”nin dünənki oyunu tam rəzalət idi. İlk vurduqları qolu qoyaq bir kənara. Çünki rəqib komanda bütün futbolçularla qol vurmaq üçün irəli atılmışdılar. Buna görə, müdafiə xəttində boşluqlar çox oldu. Lakin Macarıstan klubu buraxdığı qoldan sonra necə deyərlər, Elmar Baxşıyevə və komandası “Qəbələ”yə bundan sonra divan tutdular. Oyuna gəlincə, baş məşqçi işi görünmədi. Komanda meydanda pərakəndə, çaşqın və səmərəsiz çıxış etdi. Demək olar ki, oyun boyu rəqibin hücumlarını, zərbələrini dəf etməklə məşğul oldular. Müdafiədəki etibarlı çıxışdan söhbət belə gedə bilməz. Rəqib komandanın bərabərlik qolundan sonra “Qəbələ”nin meydanda nə işlə məşğul olduğunu anlamaq güc. Elmar Baxşıyevə gəlincə isə sanki özünü itirmişdi. Elə bil üzərində basqı vardı. İndi soruşsan ki, bu nə oyun idi, bu nə müdafiədir? Çox güman ki, İlkin Qırtımovun zədəsini bəhanə edəcək. Onda belə sual çıxır ki, “Qəbələ” Azərbaycan çempionatında yaxşı çıxış etdiyi, avrokuboklara vəsiqə qazananda İlkin Qırtımov “Qəbələ”də oynayırdı? Demək bu əsasız özünü –müdafiə olardı. “Qəbələ”nin müdafiəsində oyun-boyu çaşqınlıq höküm sürdü. Açığını deyim ki, “Qəbələ”nin bəxti yaman gətirdi. Hesab daha biabırçı olardı. Onsuz da, səfərdə darmadağınla üzləşdilər. Mərhələnin taleyi elə birinci oyunda həll olundu. Yəni Qəbələdə möcüzə olacağını, evdə rəqibin qapısına 5 cavabsız qol vuracağını söyləmək, nağıllara inanmaq kimi bir şeydir. Mən başa düşə bilmirəm ki, hardandır “Qəbələ”də və baş məşqçisi Elmar Baxşıyevdə bu arxayınlıq. Mcarıstan klubu ilə özü də, səfərdəki oyuna çox arxayın çıxmışdılar. Oyuna sanki ciddi yanaşmıırdılar. Bəlkə biriləri bunlara "Fehervar”ı tək ayaqla məğlub edəcəksiniz deyiblər. Bu acı məğlubiyyətin səbəblərindən biri də, arxayınçılıq, diqqətsizlik oldu. Düzdü, Macarıstan klubu nə “Barselona”, “Livrpul”, nədki “APOEL” deyildi. Onları udmaq olardı. Ümumi götürəndə, “Qəbələ”nin səfərdəki acı məğlubiyyətini baş məşqçinin ayağına yazmaq olar. Elmar Baxşıyevin təcrübəsizliyi,hazırlıqsızlığı, və sair misal göstərmək olar. Lakin müsahibə zamanı Elmar Baxşıyevdən soruşdum ki, “Qəbələ” ilə müqavilənizi yeniləmisiniz? Və yeniləmisinzsə neçə müddətlik. Cavabı belə oldu. “Mənim “Qəbələ” ilə müqaviləmin müddəti həmişəlikdir. Yəni müddətsizdir. Yəni tam arxayın şəkildə nəticə nə olursa olsun, mən “Qəbələ”də işimi davam etdircəm deməkdir. Lakin bu düşüncə Elmar Baxşıyevi yandıra bilər. Elmar Baxşıyev unutmamalıdır ki, bu Azərbaycandır. Bundan başqa futbolda dost, qardaş 2-ci, 3-cü planda olur. Klub rəhbərliyi istənilən futbolçunu, istənilən məşqçini yaxasından tutub qapıdan çölə ata bilir. Məsələn, həmkarınız Aftandil Hacıyevi nümunə göstərə bilərəm. Aftandil Hacıyev illərlə “Səbail”in baş məşqçisi idi. Rəhbərliklə sizdən də, yaxşı dostluq, qardaşlıq, əlaqəsi vardı. Hər zaman rəhbərlik onun arxasında idi. Hətta Aftandil Hacıyev “Səbail”in çətin, pulsuz vaxtlarında belə klubda qəpik-quruşa işlədi. Klubu atıb getmədi. Dostluğuna sadiq qalmışdı. Rəhbərlik də, güya ki, bunu dəyərləndirdi. Onunla müqaviləni uzatdı və 10 gün sonra rəzil şəkildə klubdan qovdu. Klubun bu hərəkəti, əməli, məşqçini alçatmaq oldu. Siz də, rəhbərliyinizə çox güvənməyin. Ehtiyyatlı olun Elmar müəllim. Ola bilər ki, keçən mövsüm çempionatınız uğurlu alındı, həmkarlarım, jurnalistlər biraz dəstək oldular. Gənc, Azərbaycanlı məşqçiyə içi mən qarışıq dəstək nümaiş etdirdik. Necə deyərlər, avrokuboklar öncəsi ruh yüksəkliyi verən dəstək yazılar, müsahibələr alınıb. Lakin bu sizi rahatlamamalıdır. Hər şeyin bir yeri, bir həddi var.

Əli HƏYATİ