Azərbaycan premyer liqasında 2022-2023 mövsümü start götürəndən bəri adı qalmaqallardan əskik olmayan “Kəpəz”də yenə ara qarışıb. Futbolmedia.az saytının çox yaxın mənbələrdən aldığı məlumata görə “Kəpəz” klubunun futbolçuları maaşlarını ala bilmirlər. Novruz bayramından öncə futbolçulara maaşlarının veriləcəyini desələr də, bu baş verməyib. Məsələ burasındadır ki, bütün klublara pul köçürülüb. Azərbaycan premyer liqasında çıxış edən 10 klubun 9-zuna maliyə ödənişləri edilib. Bir “Kəpəz” klubundan başqa. Bunu səbəbi isə məlum deyil. Həqiqətən də, çox anormal bir vəziyyətdir. Onsuz da, maddi durumu ağır olan, çatışmamazlıqları çox olan “Kəpəz”in futbolçuları məşqə çıxmaqdan belə imtina edirlər.

Yalnız Tərlan Əhmədovun xaişindən sonra futbolçular dünən məşqə çıxıblar. Deyilənə görə, AFFA bircə “Kəpəz”in büdcəsinə maliyəni köçürməyib. Burada bir sual yaranır ki, əcəba klub rəhbəri İlqar Nadiri və AFFA-dakı şefləri ilə Tərlan Əhmədova torba əməliyyatı hazırlanır? Əgər 10 klubdan 9-zuna maliyə, maaş köçürülübsə, bircə “Kəpəz”ə pul köçürməsi olmayıbsa, deməli “Kəpəz”in baş məşqçisi Tərlan Əhmədova torba əməliyyatı həyata keçirilir. Axı necə olabilər ki, 10 komandanın 9-zuna Novruz bayramından öncə vəsait köçürülür. Yalnız “Kəpəz”ə yox. Sonra da, AFFA bölgələrdə futbolun inkişafı belə gəldi, futbolumuz inkişaf edir belə getdi nağıllarını danışır. Belə getsə mövsümün sonuna qədər hələ çox qəribəliklər görə biləcəyik.

Əli HƏYATİ