"Turan Tovuz"la yaxşı mövsüm keçirdik. Mən də, komandamın uğur qazanması üçün əlimdən gələni etməyə çalışdım. Lakin əsas heyətdə möhkəmlənə bilmədim. Bundan başqa bir müddət xəstə yatdım. Həmçinin əməliyyat olundum. Buna görə də, istədiyim kimi komandaya xeyir verə bilmədim."

Bu sözləri, Futbolmedia.Az saytına açıqlamasında "Turan Tovuz" klubunun futbolçusu Cavid Tağıyev deyib. Futbolçu klubdakı gələcək taleyinə də toxunaraq bunları söylədi."

Tovuz klubu ilə müqaviləmin müddəti başa çatıb. Hələ ki, dəqiq bir söz deyə bilmərəm. Rəhbərliklə bununla bağlı danışıqlar gedir. Digər təkliflər olarsa, onları da, dəyərləndirmək istərdim.