"Premyer Liqanın ilk turunda güclü və son çempion olan "Qarabağ"a qarşı oynadıq. Rəqibimizin adı və gücü hər kəsə bəllidir. Buna görə çətin olacağını bilirdik. Rəqibin güclü olmasına baxmayaraq yaxşı mübarizə apardıq. Xüsusən də, ilk yarıda çox yaxşı oynadıq. Bir neçə real qol imkanlarımız oldu. Rəqibimizə necə deyərlər diş göstərə bildik. Düşünürəm ki, növbəti rurlarda daha yaxşı çıxışlarımız olacaq. Məncə bizi qələbələr hələ qarşıda gözləyir."

Bu sözləri, Futbolmedia.Az saytına açıqlamasında "Səbail" klubunun futbolçusu Vuqar Həsənov deyib. Əsas heyətdə şans almaq ehtimalından da, danışan futbolçu bunları söylədi.

""Səbail"in əsas heyətinə düşmək ən böyük istəklərimdən biridir. Əlbəttəki, baş məşqçimiz Mahmud müəllimdən mənə şans verəcəyinə ümüdlüyəm. Çox istərdim ki, növbəti oyunlarda əsasheyətdə yer alım. Məqsədim komandama dəstək olmaq. qələbə qazanması üçün əlimdən gələni etməkdir. İnşəallah istəyimə nail olaram.