"Zirə"də bir mövsüm oynadım. Mənim üçün çox xoş xatirələrlə yadda qaldı. Düzdü, əsas heyətə çox düşə bilməsə də, müəyyən vacib qarşılaşmalada oynadım. Çox təəssüflər olsun ki, premyer liqada daha yüksək yer tuta bilmədik. Müxtəlif amillərdə bəxtimiz gətirmədi. Bəzi oyunlarda hakimlərin qərarı bizə qarşı çox haqsızlıq oldu."

Bu sözləri Futbolmedia.az saytına açıqlamasında "Zirə"nin futbolçusu Mirsayib Abbasov deyib. "Zirə" ilə müqaviləsi başa çatan futbolçu gələcək planları haqqında bunları dedi. ""Zirə ilə artıq müqaviləmin müddəti başa çatıb. Hələ heç bir təklif olunmayıb. Digər klubların təklifi də, gələ bilər. Yaxşı təkliflər olarsa, menecerimlə bunu müzakirə edəcəyik. Hələ ki, dəqiq bir söz deyə bilmərəm.