"Turan Tovuz" klubunun futbolçusu Tərlan Quliyevin Futbolmedia.Az saytına müsahibəsi.

Bu tur Premyer Liqamızda çox maraqlı oyunlar oldu. Bu matçlardan biri də, Tovuzda baş tutdu. Tərlan komandnız evdə “Neftçi”ni darmadağın etdi. Bu oyunla bağlı nə deyərdin. Ümumiyyətlə, nəticənin belə olacağını gözləyirdinmi?

Çox maraqlı və gərgin bir oyun keçdi. Möhtəşəm azarkeş dəstəyimiz vardı. Bu oyuna çox məqsədli şəkildə hazırlanmışdıq. Yəni, istəyimiz “Neftçi”ni mütləq Tovuzdan məğlub yola salmaq idi. Qisas almaq yox, 6-ci pillədə qərarlaşmağı planlaşdırmışıq. Bizdən sonrakı rəqiblərimizdə 6-cı pillədə qərarlaşmaq istəyirdilər. “Zirə” ilə də, matça maksimum nəticə üçün çıxmışdıq. Düzünü deyim ki, belə böyük hesabla, darmadağnla qalib gələcəyimizi düşünmürdük. Lakin oyunun gedişatı göstərdi ki, daha böyük hesablı qələbə qazana bilərik. Sadəcə, real qol imkanlarının bəzilərini boşa verdik.

Səncə, nədən “Neftçi” Tovuzda darmadağın oldu. “Neftçi”mi zəif oynadı, “Turan Tovuz”mu daha istəkli oldu?

Hər oyunda rəqibin qapısı qarşısında çoxlu hücumlarımız olub. Sadəcə, bu oyunda real qol imkanlarımızı dəqiq yerinə ytirdik. Daha uğurlu, daha məntiqli oynadıq. Mən deyərdim ki, meydanda daha istəkli olduq. Yəni, qələbəyə daha istəkli biz idik. Kubok oyunundan sonra, “Zirə”ni məğlub etdikdən sonra da, ruh yüksəkliyimiz artdı.

Tərlan iki aya yaxındır ki, sən də, əsas heyətdən uzaq düşmüşdün. Lakin sonradan meydana çıxaraq,“Neftçi” üzərində gözəl, tarixi qələbədə pay sahibi oldun. Öz oyununla bağlı nə deyərdin?

Ola bilər ki, bir ay bundan öncəki yüksək formda olmaya bilərəm. Lakin öz üzərimdə daim işləyirəm. Məşqlərimi yüksək formada edirəm. Dünən ki, oyunda da, 20 dəqiqə oynadım. Matçın 75-ci dəqiqəsində meydana girdim. 95-ci dəqiqədə də, matç başa çatdı. Şükürlər olsun ki, əla oynadım. Özümü tam hazır sayıram. Bilirsiniz, bizim komanda, məşqçilər elədir ki, hətta oynamayan futbolçularla çox ciddi məşğul olurlar. Yəni bütün futbolçuları stabil saxlamaq üçün hər kəslə ciddi məşğul olurlar. Məşqçilər heyəti bütün futbolçulara güvənirlər. Yəni kollektivin gözəl formalaşmağından irəli gəlir.

Əli HƏYATİ