“Komanda olaraq “Sabah”a qarşı çox yaxşı oyun sərgilədik. Meydana bir məqsəd üçün çıxmışdıq. Yalnız qələbə qazanmaq istəyirdik. Kifayyət qədər real qol epizodlarımız oldu. Heyf ki, bunları qola çevirə bilmədik. Bilirsiniz ki, futbolda prinsib var. Sən vurmasan, sənə vuracaqlar. Təəssüflər olsun ki, sonuncu dəqiqələrdə qapımızdan qol buraxdıq. Buna çox üzüldük. Çünki qələbəyə layiq olduğun halda, gəlib son dəqiqədə məğlub olursan. Real qol vəziyyətlərini dəyərləndirə bilməməyimiz, uduzmağımızı şanssızlıqla əlaqələndirərdim. Ümüd edirəm ki, növbəti oyunda qələbə və şans bizim üzümüzə gülər.”

Bu sözləri Futbolmedia.Az saytına müsahibəsində “Keşlə” klubunun futbolçus Fəhmin Muradbəyli deyib. Qarşıdakı “Səbail”lə oyundan danışan F. Muradbəyli bunları söylədi.

”Səbail”lə oyun çox çətin keçəcək. Hansısa klubun dişinə görə sözü ilə razı deyiləm. Çnki zəif komanda anlayışı yoxdur. Rəqib komandanın heyətində kifayyət qədər güclü futbolçular var.Bu komanda da, mənim vaxtlarım keçib. Buna görə, yaxşı tanıyıram. İndidən demək olar ki, bizim üçün asan olmayacaq. Lakin biz bu oyunda meydana qalib gəlmək üçün çıxacağıq. Çünki başqa yolumuz yoxdur. Mənim də, durumum yaxşıdır. Əzələmdə yırtıq əmələ gəlmişdi. Çox şkür ki, sağalmışam. İndi artıq yaxşı durumdayam. Növbəti oyunda meydana çıxmağıma heç bir maneə yoxdur. Hər şey baş məşqçi Sənan Qurbanovdan aslıdır. Ümüd edirəm ki, baş məşqçinin ümüdlərini bir daha doğruldacam. Baş məşqçi məsləhət bilsə, meydana çıxacam. Komandamın qalib gəlməsi üçün əlimdən gələni edəcəm. Bilirsiniz ki, mən “Neftçi”nin futbolçusuyam. “Keşlə”də icarə əsasında çıxış edirəm. Lakin bu komandanın formasını geinirəm. “Buna görə də, “Keşlə” üçün maksimum gücümü meydanda qoyuram. İnanıram ki, “Səbail”lə oyunda sevinən tərəf biz olacağıq.”

Əli HƏYATİ