Premyer Liqanın 2-ci turunda “Kəpəz” klubu səfərdə “”Neftçi”nin qonağı oldu . Və oyun (5:2) hesanı ilə meydan sahiblərin xeyrinə başa çatdı. Böyük hesabl məğlub olan “Kəpəz”in oyununu fisko adlandırmaq olmaz. Çünki komandada döyüşkənlik, istək , ruh yüksəkliyi və məşqçi işi var. Gələn mövzunun əsas hissəsinə. Gəncə klubunda nələr baş verir. Nədən “Kəpəz”in qalib gəlməsini, uğur qazanmasını istəmirlər? Niyə axı dünənki “Neftçi” ilə oyunda gəncəli azarkeşlər kimdənsə göstəriş almış kimi buraxılan lk qoldan sonra Yaşar istefa qışqırırlar. Axı əsl komandasını və ölkəsini sevən azarkeş belə etməz. Hələ oyun indi başlayıb ani epizod zamanı bir qol buraxılıb. İstefa qışqıran azarkeşlər isə həm baş məşqçiyə, həm də, meydanda olan “Kəpəz”li futbolçulara psixoloji təsir göstərdilər. Bu oyunda məğlubiyyətin əsas səbəbkarlarından biri də, elə məhz azarkeşlər oldu. Düzünü deyim ki, “Neftçi”nin qapısan “Kəpəz” iki qol vursa da, 3-nü vura bilmədi. Yəni yaxşı real qol vəziyyətləri oldu. Buraxılan 3 qolun məhsuliyyəti isə Kamram İbrahimovda oldu. Kamranın çox köbud və təcrübəsiz oyunu komandanın məğlubiyyətində az rol oynamadı. İndi aydın olur ki, “Neftçi” onu niyə icarəyə verdi. Yaşar Vahabzadəyə gəlincə isə gənc, yeni lakin döyşkən və istəkli bir komanda yaradıb. Komandanın yeni olmasını nəzərə almaq lazımdır. Hələ cəmi iki tur keçib. Ona qalsa “Turan Tovuz”un daha çox təcrübəli baş məşqçisi Ayxan Abbasov da, ilk oyunda “Qəbələ”yə evdə məğlub olmuşdu. Bəs onada Tovuzlu azarkeşlər onu niyə istefaya səsləmədi. Demək ki, torbada pişik var. Məhz elə qüvvələr var ki, Yaşar Vahabzadənin və “Kəpəz”in uğur qazanmasını istəmirlər. Belə desək konkret məşqçinin torbasını tikirlər. Hətta bir qrup jurnalist həmkarlarım var ki, çox həddindən artıq qərəz nümaiş etdirirlər. Belə deyək ki, “Kəpəz”i və baş məşqçini təkləyiblər. Bir şeyi unutmaq lazım deyil ki, Yaşar müəllim heçnədən döyüşkən bir kollektiv yaradıb. Ona ayrılan büddcəyə uyğun futbolçular transfer edilib. Unutmaq lazım deyil ki, komanda hələ cəmir iki rəsmi oyun keçirib. Bu komandanın uyğunlaşması, xətlər –arası əlaqələrin düzəlməsi üçün zamana ehtiyyac var. Mehman Allahverdiyev olmur kim olursa olsun, hazırki durumda bu komanda ilə artıq nəsə edə bilməz. Hələ “Kəpəz” dünən “Neftçi” kimi güclü, büddcəsi Gəncə klubundan 5 dəfə çox olan, heyətində səviyyəli legionerləri olan komandaya 2 top vurub. Hələ 2-3 real qol şansı bəxtsizlikdən qaçırıldı. Mənim şəxsi fikrimcə “Kəpəz” və baş məşqçisi Yaşar Vahabzadə qarşıdakı uzun marafonda hələ çox komandaya baş ağrısı olacaq. Çox iddialı klubları xalsız qoyacaq. Yaşar Vahabzadə də, Azərbaycanlı məşqçidir. Erməni deyil. Qara qüvvələrin fitvasına gedib, öz məşqçilərimizi alçatmayaq. Arxadan kürəyinə xəncər sancmayaq. Ən azından bu kişiliyə və insanlığa sığmaz. İnsanlıq və kişilik odur ki, yıxılmaq istəyənə yardım əli uzadasan. Daha xainlik edib yıxmayasan.

Əli HƏYATİ