"Düzü heç belə bir oyun, çox qolların vurulacağı bir matç gözləmirdim. Düzdü, çətin olacağı bəlli idi. Lakin belə bir dramatik oyun gözləmirdim. Düzünü deyim meydanda dominantlıq edən tərəf biz olduq. Real qol vəziyyətlərimiz də, rəqibindən daha çox oldu. Sadəcə, sonda hakim haqsızlığı ilə üzləşərək, qələbə haqqımız yeyildi."

Bu sözləri, Futbolmedia.az saytına açıqlamasında "Turan Tovuz"un kapitanı Faiq Hacıyev deyib. Müdafiəçi qapılarına qarşı təyin edilən penaltini də, haqsız və səhv qərar adlandıraraq belə deyib.

" Hakimin nəyə və hası qayda pozuntusuna əsasən qapımıza penalti qərarı verdiyi mənə hələ də, qaranlıq qalır. Belə penalti dünyanın heç bir futbol çempionatında verilməyib. Bu hakim biabırçılığıdır. Qapıçımız heç demək olar ki, rəqib hücumçuya toxunmadı da. Sadəcə, istəmədilər ki, "TUran Tovuz" qələbə qazansın. Bizə qarşı edilən növbəti haqsızlıqdır."