Premyer liqanın 29-cu turunda “Şamaxı” – “Kəpəz” qarşılaşması daha maraqla gözlənilən oyunlardan idi. Gəncə təmsilçisinin qələbəsi turnir cədvəlində, və premyer liqada qalma məsələsində çox şeylərə nöqtə qoya bilərdi. Təəssüflər olsun ki, “Kəpəz” Şamaxıda yaxşı oynasa da, müdafiənin ani diqqətsizliyindən məğlub oldu. Əslində, “Kəpəz”in məğlubiyyətlərinin səbəbi rəhbərliyin düzgün strategiya quramaması, baş məşqçi Azər Bağırovun bacarmaması, futbolçuların çox zəif oynamasına aidiyyatı yoxdur. Əsla belə deyil. Məndə olan məlumatlara görə, klub rəhbərliyi başda Fərman Əlizadə, Adil Vəliyev digər klublardan fərqli olaraq daima komandanın yanındadırlar. Komandanın qalib gəlməsi üçün əllərindən gələi edirlər. Hətta hər oyunda qələbəyə görə veriləcək pul mükəfatını iki dəfə artırıblar. Mən başa düşə bilmirəm ki, klub rəhbərliyi bundan başqa nə etməlidirlər? Ola bilər baş məşqçi Azər Bağırov hansısa oyunlarda düzgün taktika və ya, əvəzləmə etməməklə komandasının uduzmasına səbəb ola bilər. Ancaq belə halları bütün məşqçilər edir. Komandanın ən əsas problemi klub rəhbərliyinin, baş məşqçinin, birbaşa futbolçuların üzərində təzyiqin olmasıdır. Həm azarkeşlər, həm də, biz mətbuat, jurnalistlər “Kəpəz”in üzərinə çox gedirik. Heç sonuncu yerdə olan, premyer liqanı tərk etməyə ən real namizəd “Karvan”ın üzərinə bu qədər gedilmir. Buna səbəb nədir? Bir qədər təmkinli olaq cənablar. Həm azarkşelər, sosial şəbəkələr,həm də media mənsubları Gəncə klubu haqqında gündə bir dezinformasiya çıxarırlar. Gah rəhbərliklə baş məşqçi Azər Bağırovu dalaşdırırlar, gah rəhbərliyi azakeşlərlə vuruşdururlar, gah da, futbolçuları baş məşqçiyə baş qaldırmasında suçlayırlar. Siz mənə deyin ki, belə təzyiq, belə qalmaqal, yalan, şaiələrdən sonra hansı komanda, hansı futbolçular yaxşı oyun nümaiş etdirə bilər? belə ab-havada qələbə olar? Imkan verin azərbaycanın futbol bölgələrindən sayılan Gəncə klubu özlərini toparlasınlar.

Etibarlı mənbədən aldığım məlumata görə, “Kəpəz” rəhbərliyi ilə baş məşqçi Azər Bağırov arasında möhtşəm bir dostluq bağı var. Yəni həm peşəkarlıq baxımından bir birlik var. Həm rəhbərlik, baş məşqçi və futbolçular bir işi görmək üçün komanda şəklində birləşirlər. Hər şey sinxron şəkildə, peşəkar səviyyədə edilir. Təki bir çox klublarda Adil Vəliyev, Fərman Əlizadə kimi sadə və gözəl insan, işinin peşəkarı olan rəhbərlik olsun. Bu şəxslər klub üçün çox can yandırır. Nə olub? Bu elə həmin “Kəpəz”dir də, ölkənin ən güclüsü “Qarabağ”ı 2 dəfə məğlub edib. Digər komandalarl başa-baş mübarizə aparıb. Sadəcə, futbolda “qara zolaq” deyə bir şey var. Bu “qara zolağ”a bütün klublar düşür. Elə biri “Neftçi”, digəri “Qarabağ” ki, bu mövsüm kuboksuz qaldı. Yəni hər şeyi bu qədər qlobal şişirtməyin cənablar. Qarşıda hələ 4 tur var. Bu isə potensial 12 xal deməkdir. Bu dörd oyundan “Kəpəz” bir qələbə və bir heç –heçə edərsə mütləq şəkildə premyer liqada qala biləcək. Güclü rəqiblərindən xal almaağı, məğlub etməyi bacaran “Kəpəz”dən bunu gözləməyə dəyər. Şəxsən mənim illərin təcrübəli jurnalisti olaraq “Kəpəz”in premyer liqada qalacağını təxmin edirəm. Bu komandada potensial var. Gəlin bir qədər səbirli olaq. Hadisələrin gedişatını izləyək. Bu dörd turu da gözləməyi məsləhət bilərdim. İnanıram ki, “Kəpəz” premyer liqada qalacaq. “Kəpəz” yaşamalıdır.

Əli HƏYATİ