Azərbaycan premyer liqasının 12-ci turunun ilk açılış oyununda maqraqlı və gözlənilməz nəticə qeydə alınıb. "Araz Naxçıvan" axırıncı yerdə gedən, maliyəsi biabırçı gündə olan, rəzalət bir mövsüm yaşayan ildə 3 dəfə baş məşqçi dəyişən "Kəpəz"ə məğlub olub. Əslində, gözlənilməz deyildi. Çünki Azərbaycan premyer liqası və peşəkar çempionat Azər Bağırov kimi naşı, premyer liqa təcrübəsi olmayan bir məşqçi yeri deyil. Yəni "Araz Naxçıvan"nın mövsüm başlayandan bir neçə qələbəsi, heç -heçə etməsi, sırf təsadüf idi. Çünki Naxçıvan klubunun rəhbərliyi Zaur Axundov və onun qardaşı hazırda adı kağız üzərində klub rəhbəri kimi göstərilən Ramin Axundovun təcrübəsi yoxdur. Ümumiyyətlə, "Araza Naxçıvan"ın bütün oyunlarında Zaur Axundov mətbuat qarşısına çıxır. Klubun oyunundan, nəticəsindən danışır. Bəs Ramin Axundov kimdir? bəs klub rəhbəridirsə niyə mətbuat önünə hər dəfə o, çıxmır. Heç kəs çörəyi qulağına yemir. Məlum məslədir. Ümumiyyətlə, Zaur Axundov və onun ətrafı köməkçisi Eldəniz Yusubov "Keşlə"də yarıtmadılar. Komanda bərbad oynadı, neçə -neçə baş məşqçilər qovdu. Axırda da, Zaur Axundov klubu atdı getdi. İndi yenə yarıtmaz klub rəhbəri, onun ətrafı yenə gəlib klub başına. Yenə özünün yarıtmaz ətrafını gətirib futbolumuzun içinə. Bu şəxslərlə bağlı məsələ aydındır. Ona görə də, "Araz Naxçıvan"dan nəsə bir sıçrayış, uğur, peşəkarlıq gözləməyə dəyməz. Klub rəhbərliyi elə ilk addımdaca səhv qərar verdilər. Azər Bağırov kimi premyer liqa təcrübəsi olmayan bir məşqçini baş məşqçi postunda saxladılar. Çempionatın ilk turunda "Turan Tovuz"a darmadağın oldular. Nə oldu görəsən ikinci turda və sonra ardı-ardı qələbə gəldi. Bunun özü də, bir qədər şübhəli məsələdir. Azər Bağırov kimi təcrübəsi olmayan bir məşqçini gətirib peşəkar bir klubun baş məşqçisi qoyanda fikirləşmək lazımdır. Baxın "Araz Naxçıvan" 11-ci turda səfərdə "Sumqayıt"a, 12 -cu turda adı olan, özü olmayan, zəif "Kəpəz"ə məğlub oldular. Nə oldu Azər Bağırovun sehirli çubuğunun enerjisi qurtardı??? yoxsa Zaur Axundov, Eldəniz Yusubov, Azər Bağırov elə bilir ki, biz idman jurnalistləri, yazarlar, futbol camiəsi yerdən çıxmışıq. Bizim futbolda baş verənləri gözlərimiz görmür. Uşaq başı aldadırlar. "Araz Naxçıvan" klub rəhbərliyi, ətrafı, Azər Bağırov ancaq özünü aldada bilər. Mən çempionatın əvvəlindən demişdim ki, Azər Bağırov yalnış seçimidr. Onun bir neçə oyunda qələbə və heç -heçə etməsi, rəqiblərinin heyətlərinin yeni yığılması, yeni komplektləşdirməsi, klubların hələ öz oyununu tapa bilməməsidir. Azər Bağırovun bu kiçik və müvəqqəti uğuru isə bir təsadüfə bənzəyir. Bəs nə oldu iki turdu zəif rəqiblərinə uduzur. Bəlkə göz dəydi. Azər Bağırov nağılı başa çatdı cənablar. Təsadüfün, bəxti gətirməyin, nağılın da, bir tez sonluğu olur. "Araz Naxçıvan" rəhbərliyi gələn oyun klubu məğlub olarsa,hətta xal itirərsə, təcili Azər Bağırovu istefaya göndərməlidir. Onun yerinə isə təcili şəkildə as məşqçilərdən olan, böyük təcrübəsi və uğuru olan Tərlan Əhmədov gətirilməlidir. “Araz Naxçıvan”ı uğura bu vəziyyətdə Tərlan Əhmədov daşıya bilər. Baxın Tərlan Əhəmdov vaxtı ilə Zaur Axundovla birgə işləmiş, çıxış etdiyi klubda uğurlar qazanmışdı. Düşünürəm ki, nə qədər ki, Tərlan Əhmədov hazırki Azər Bağırovu əvəzləməyib, bunu uğurlu sonluğu ola bilməz. Azər Bağırova gəlincə isə həvəsdi, bəsdi. Meydanı böyük təcrübəsi olan, işinin peşəkarlarına vermək lazımdır.

Əli HƏYATİ