Azərbaycan futbolunun beşiyi sayılan bölgələrimizdən biri də məhz Gəncə şəhəridir. Hələ SSSR-i dönəmində bu bölgədə yetişən istadlı, möhtəşəm futbolçuları az qala bütün Sovetlər birliyi tanıyırdı. Gəncə torpağı Azərbaycanın da, ən məşhur futbolçularını yetişdirib desək, heçdə, yanılmarıq. Gəncə futbol akademiyası, torpağı, Muzaffər Qasımov, Vəli Qasımov, Yunis Hüseynov, Vidadi Rzayev, Faiq Cabbarov, Mahmud Qurbanov, Novruz Əzimov və sair kimi futbol ulduzlarımızı ölkəmizə bəxş edib. Məhz bu üzdən Gəncə futbolu hər zaman yaşamalı, hər zaman futbol oynamalıdır ki, Azərbaycan futbolu inkişafdan qalmasın. Legionerlər bu ölkəyə, klublarımıza gələr-gedərdilər. Ən əsası isə quyunun özündən gərək su qaynasın. Artıq bir neçə ildir ki, “Kəpəz” klubu Azərbaycan premyer liqasında çıxış edir. Bu klubun rəhbərlik postunda bir çox insanlar işləyib. Lakin çox vaxt və demək olar ki, hər zaman qalmaqallar əksik olmayıb. Lakin klub rəhbərliyində gedişlər oldu. Sabiq rəhbər İlqar Nadirinin bu vəzifəsindən ayrılmasından sonra yeni rəhbərlik gəldi. Məsələ elə bundadır ki, hazırki rəhbərliyin “Kəpəz” klubuna çoxdan gəlməsi lazım idi. Hazırda “Kəpəz” futbol Klubu İçtimai Birliyinin İdarə Heyətinin Sədri Adil Vəliyev, idaərə heyətinin üzvü Fərman Əlizadə, icraçı –direktor Ruslan Məmmədov, mətbuat katibi Gəray Qiyasovdur.

Bəli. Məhz bu şəxslərin gəlişindən sonra “Kəpəz” klubu peşəkar komandaya çevrildi. Klubda nizam – intizam höküm sürməyə başladı. Klub daxilində hərcmərclik, qruplaşma yox oldu. Həm Adil Vəliyev, həm Fərman Əlizadə, Ruslan Məmmədov, həm də, Gəray Qiyasov necə deyəllər klubun iplərini əllərinə almağı bacardlar. Baxın adi bir misal çəkim. O boyda Gəncə futbolunun akademiyası, uşaq futbolunun inkişafı çox bərbad gündə idi. Bundan əlavə futbolçuların forma geyim çatışmamazlıqları biabırçı həddə çatmışdı. Bütün bunlar faktla yadımdadır. Digər başqa problemlər başdan aşırdı. Komandaya belə normal sponsorlar yaxınlaşmağa qorxurdu. Bəlkə də, qaçırdırdılar. Lakin Adil Vəliyev və onun komandasının gəlişindən sonra bütün bu problemlər yox oldu. Azərbaycan futbolunun gələcəyi, inkişafı uşaq futbolundan başlayır. Məhz "Kəpəz" rəhbərliyi də, bu problemi aradan qaldırmaq üçün əməlli başlı işlər gördü. Artıq həmin problemlər yoxdur. Kluba yeni sponsorlar maraq göstərdi. Bax görürsünüz ki, klubda işini bilən, peşəkar kadırlardan çox şey aslıdır. Kluba can yandıran rəhbərlik, idarə heyəti tam başqadır. Bu gün "Kəpəz" azarkeşləri klubdan və rəhbərlikdən çox razıdırlar. Həm oyundan qabaq, həm oyun zamanı belə klub rəhbərlərinin ünvanına xoş sözlər, xoş şüarlar səsləndirirlər. Bu amil çox sevindiricidir. Klubun rəhbərlik və idarə heyətinin üzvləri Adil Vəliev,Fərman Əlizadə, Ruslan Məmədov daima komandanın yanında olduğu deyilir. Araşdırmalarımıza görə, klub idarə heyəti futbolçuların hər qələbə qazanması üçün yüksək məbləğdə mükafat verirlər. Daima komandanın çatışmamazlıqları üzərində çalışırlar. Hətta futbolçuların, məşqçilər heyətinin şəxsi problemləri belə olan zaman yaxalarını kənara çəkməz, dəstək nümayiş etdirirlər. Bütün bunla yalnız alqışlanacaq addımlardır.



Düşünürəm ki, "Kəpəz" klubu bu mövsümdə premyer liqada qalacaq. Gələn mövsüm üçün isə daha güclü, daha böyük iddiaya malik, yüksək yerlər üçün oynayacaq "Kəpəz" görə biləcəyik. Klubun idarə heyətinin idarəçiliyi, Gəncə klubuna göstərdiyi diqqət, qayğı məhz bunu düşünməyə əsas verir. Məncə də, Gəncə klubu olan "Kəpəz"ə də, elə yüksək yerlər uğrunda mübarizə aparamaq yaraşar. Yəqin ki, klub rəhbərliyi gələn mövsüm üçün komandaya ən azı daha bir yaxşı sponsor tapa biləcək. Belə olan halda isə biz gələn mövsüm üçün avrokuboklar uğrunda oynayan "Kəpəz"i görə bilərik. Niyə "Turan Tovuz" olsun, ancaq "Kəpəz" yox? axı hər iki bölgəmizi Azərbaycan futbolunun beşiyi adlandırmaq olar. Gəncə futbolu, "Kəpəz" olmazsa, Gəncə futbolu olmazsa,Azərbaycan futbolunun gələcəyi olmaz. Gəncə klubu, onun möhtəşəm azarkeşləri futbolumuza hər zaman, SSSR-i dövründən belə gözəllik və möhtəşəmlik verib. Məncə, "Kəpəz"in hazırki idarə heyətinin üzvləri Adil Vəliyev, Fərman Əlizadə, Ruslan Məmmədov kimi klub rəhbərliyi hər bir klubumuza lazımdır.



Məhz bu rəhbərliklə "Kəpəz" daha güclü, daha iddialı ola bilər. Gəncə komandasının mətbuat katibi Gəray Qiyasov isə klubların mətbuat xidmətləri arasında jurnalistlərin hörmət etdiyi şəxslərdəndir. Həqiqətən də, Gəray Qiyasovun gəlişindən sonra "Kəpəz" klub rəhbərliyi və mətbuat arasında müsbət və peşəkar körpü bərpa edilib. İsətnilən iş zamanında Gəray Qiyasova klub haqqında hər hansı bir məlumat, müsahibə, açıqlama almaq üçün müraciət edə bilərsən. Çox mədəni, işinin peşəkarı kimi jurnalistlər,mətbuat üçün bu imkanı yaradır. Bunun adı peşəkarlıq və işini sevmək deməkdir. Məhz bu amil və yuxarıda sadaladığım məsələlərə görə "Kəpəz"in hazırki rəhbərlik və idarə heyətini ən uğurlu adlandırmaq olar. Biz jurnalistlərin, mətbuatın, vətəndaşların, azarkeşlərin istəyi də, klublarımızın, uşaq futbol akademiyamızın, futbolumuzun inkişafıdır. Düşünürəm ki, Gəncə futbolu, "Kəpəz" əvvəlki əzəmətini yenə qaytara biləcək. Bəli. Rəhbərlik yumruğu biraz da, bərk və dəqiq vurarsa, düz hədəfə düşəcəklər. Gəncə futbolunun inkişaını istəyiriksə, həm azarkeşlər, biz mətbuat nümayəndələri, jurnalistlər, AFFA Federasiya olaraq Adil Vəliyev, Fərman Əlizadə, Ruslan Məmmədov kimi şəxslərə dəstək olmalıyıq. Onların Gəncə futboluna xeyir vermələri, yaşatmaları üçün hər tərəfli təkan verməliyik.

Əli HƏYATİ