Azərbaycan çempionatında olduqca maraqlı turlar baş tutur. Hər turda maraqlı olaylar və gözlənilməz məğlubiyyətlər, qalibiyyətlər olur. Hətta son çempion "Qarabağ" belə dünən "Səbail"ə məğlub oldu. Lakin çempionatda ən çox diqqətləri özünə çəkməyi bacaran premyer liqada debetant olan, ilk dəfə peşəkar liqaya qoşulan "Araz Naxçıvan" və baş məşqçisi Azər Bağırovdur. Bəlkə də, çempionatın start götürməsindən əvvəl "Araz" Naxçıvan" klubu və baş məşqçisinin belə performans göstərəcəyini desəydilər, buna inananlar çox az olacaqdı. Lakin başlanğıc və gedişat göstərdi ki, Azər Bağırovu və onun komandasını debütant deyə ciddiyə alınmaması rəqiblərinə problemlər yaşadacaq. Dünən premyerliqanın 5-ci turunda Gəncə səfərində "Kəpəz"i məğlub edən Naxçıvan klubu Bakıya 3 xalla döndü. Azərbaycan futboluna yaxşı bələd olanlar bilir ki, Gəncədən 3 xalla dönmək asan məslə deyil. Bunu hər klub edə bilmirdi. Lakin "Araz Naxçıvan" və baş məşqçisi Azər Bağırov yenədə yaxşı mənada təəccübləndirməyə davam edir. Gəncədəki oyunda açıq-aşkar məşqçi işi görünürdü. Həmin oyunu Azər Bağırovun taktiki gedişatları uddu. Lazımı səviyədə sitematik oyun planı quran və yerində əvəz etmələr edən gənc baş məşqçi 3 xalı Gəncədən qoparıb gəldi. Düşünürəm ki, bu gənc məşqçi hələ çox güclü rəqiblərinə baş ağrısı olacaq. Şəxsən mən Azər Bağırovdan daha yaxşı oyunlar, daha parlaq nəticələr və sensasiyalı qələbələr gözləyirəm. Məhz belə gənc məşqçilərə dəstək olmaq lazımdır. Onlara uzun illər bir komandanı çalışdırmaq üçün şans tanımağa dəyər.

Əli HƏYATİ