Azərbaycan Premyer liqasında çox maraqlı oyunlar və nəticələr qeydə alınır. Bu ilki mövsüm bir qədər sürpriz nəticələrlə bizləri təəccübləndirir. Məsələn,keçən avrokuboklara vəsiqə qazanan "Sumqayıt" hal hazırda 10 xalla 7-ci yerdədir. Digər komandalardan biri də, keçən mövsüm qarşısına çıxan komandaları, "Qarabağ" daxil olmaqla sürüyüən "Səbail" bu mövsüm çətin günlərini yaşayır. Komanda 7 xalla 9-cu pillədə qərarlaşıb. Lakin Şahin Diniyevin komandasını başa düşmək olar. Gəlin dərindən analiz edək görək keçən ilk daha yaxşı durumda olan kluba nə olub? əslində, bunu bilmək üçün alim olmağa gərək yoxdur. İlk növbədə, klubun ayaqda durması, irəliyə getməsi,uğurlar qazanması üçün maliyə dəstəyi 3 dəfəyə qədər kəsildi. Belə desək azaldıldı. Elə ilk qərarla da, necə deyərlər "Səbail"in onurğa sütünu qırıldı desək yanlmarıq. Baxın həmin anda komandanı az məvaciblə razılaşmayan vacib futbolçuları tərk etdi. Səlahət Ağayev kimi təcrübəli qapıçı gəmini son anda tərk etdi. Əgər komandanı vuran ayaq Romalinqom, komandanın yarısı hesab olunan yaxşı qapıçısı Səlahət Ağayev, və bir neçə əsas futbolçular tərk etdisə, gələcəkdə yüksək yerlər uğrunda mübarizə aparacağına ümüd də, itdi. Keçən mövsüm Şahin Diniyev adlarını sadaladığım heyətlə rəqiblərinin canına vəlvələ salmışdı. "Qarabağ"da Qurban Qurbanovun ən çox Şahin Diniyevin komandasından çəkindiyi heç kəsə sirr deyil. Çünki Diniyev "Qarabağ"ı dəfələrlə məğlub etməklə, heç -heçə etməklə şoka salıb. Qalib heyəti, güclü bir heyəti qoruyub saxlaya bilməyən rəhbərlik Şahin Diniyevdən yüksək nailiyyət, hər oyunda qələbə tələb edə bilməz. Bu obsurd olar. Belə bir atalar məsləi var. "Adam gərək yorğanına görə ayağını uzatsın". Adama deyətlər Şahin Diniyev yazıq neyləsin axı. Heyət kasad, futbolçuların çoxusu gənc, yerli, təcrübəsizdir. Legionerlər isə yenidir. Mən hələ "Səbail"in futbolçularının tez-tez zədələnməsi, sıradan çıxmasını demirəm. Baş məşqçinin bu amildə də, bəxti gətirmir. Heyətdəki çatışmamazlıqlar, daimi zədələr və sair Şahin hocanı bəlkə də, təngə gətirib. Çıxılmaz durumda olan baş məşqçi Əlinin papağını Vəliyə, Vəlinin papağını isə Əlinin başına qoyur. Elə komandanın ən yaxşılarının biri Sofirin yoxluğu elə öz sözünü deyir. Bu çətinliklərdə baş verən uğursuzluqlarda Şahin Diniyevi birbaşa günahkar görənlərin mən deyərdim ki, başı futboldan çıxmır. Birdə ki, hələ nə olub axı vay -şüvən salmısınız. Çempionatın hələ ki, cəmi 11-ci turu geridə qalıb. Qarşıda hələ uzun marafon var. Necə deyərlər "cücəni hələ payızda sayarlar". "Səbail"i və Şahin Diniyevi qınayan, dil uzadanlar gözlərindəki kor eynəyini çıxarıb, turnir cədvəlinə bir yaxşı-yaxşı baxsınlar. Neftdən gələn büdcənin böyük məbləği "Neftçi"yə paylanır. Baxın görün komanda nə gündədir. Bu boyda adlı-sanlı, varlı-hallı komanda 9 xalla 8-ci pillədə qərarlaşıb. "Səbail"dən cəmi 2 xal və bir pillə irəlidədir. Eləcə də, "Sumqayıt","Şamaxı" aralarında cəmi 2, 3-4 xal fərqi var ki, bir-iki qələbə ilə "Səbail" onları geridə qoya bilər. Yəni nə olub, nə hay-həşir salıb Şahin Diniyevi hədəf almısınız. Bu mütəxəssiz minumumdan, heçnədən möhtəşəm komanda yaradan bir şəxsiyyətdir. Şahin Diniyev neyləsin ki, "Sumqayıt"la oyunda futbolçusu 11 metirlik penaltini dirəyə vurur. Və ya neyləsin ki, yetirmələri oyun ərzində yaratdıqları real-qol vəziyyətlərini boşa verir. Meydana çıxıb qoca kişi özü qol vurmalıdırmı? yəni danışanda bilin nə danışırsınız. Yazanda haqlı yazın. Allahdan qorxun. "Səbail" rəhbərliyi mütləq və təcili qış fasiləsində yaxşı transferlər etməlidir. Münumum 3-4 yaxşı futbolçu alın verin Diniyevə. Baxın görün nə xarüqələr edir. "Səbail"də oyun var, hücum var. Yaxşı vuran ayaq lazımdır ki, real imkanları qola çevirə bilsinlər. Həm mərkəzdə, həm də yarımmüdafiə xətti güclənməlidir. Şəxsən mən Şahin Diniyevə inanıram. Necə ki, keçən ilk bu məşqçimizə güvənirdim. Keçən mövsüm super və döyüşkən bir komanda formalaşdırmışdı. Hakimərin tapşırıqla, qərəzli idarəçiliyi, qərarları olmasaydı, "Səbail" daha bir yüksək nəticəyə imza atacaqdır. Mətbuatdakı həmkarlarımdan da, xaiş edirəm ki, Şahin Diniyev kimi yerli, təcrübəli, zəhmətkeş, bacarıqlı, millətini, xalqını sevən bir məşqçiyə dəstək olsunlar. Bu mütəxəssiz özünü çoxdan sübut edib. Nəyə qadir olduğunu da, yaxşı bilirik.

Əli HƏYATİ