Dünən Azərbaycan premyer liqasının 7-ci turu geridə qaldı. Maraqlı bol qollu qarşılaşmalardan olan "Səbail" - Sabah" matçı ən baxımlılarından oldu. Düzünü deyim ki, çoxları bu oyunda bol və maraqlı qolların olacağını təxmn edirdi. Bilirsiniz niyə, çünki Şahin Diniyevin komandası rəqibin kimliyindən aslı olmayaraq, meydanda əsl futbol nümaiş etdirir. Özü də, cəsarətli, hücum futbolu. Keçən turda "Qarabağ"la oyunda da, meydanda qəhramancasına vuruşdular. Gələk "Səbail" - "Sabah" matçına. Meydan sahiblərinin oyununda çox irəliləyiş görmək olar. Məsələn "Sabah" kimi güclü heyəti, səviyyəli legionerlərə sahib olan, hücum futboluna üstünlük verək komandaya ilk dəqiqələrdə qol vurdular. Oyunu ümumi analiz etdikdə "Səbail" rəqibindən zəif olmadı. Əgər qonaqların təhlükəli real qol epizodları vardısa, "Səbail"in də, hesabı arıtrmaq, qollar vurmaq üçün az şansı olmadı. Gələk Azərərbaycan futbolunun ümumi mənzərəsinə. Çoxları Şahin Diniyevi bu böyük hesablı məğlubiyyətə görə qınaya bilər. Lakin bunu etməzdən qabaq yaxşı düşünməli, götür - qoy edin. Şahin Diniyevi qınayan adamlar, mətbuat orqanları səhv edir. Hətta mən deyərdim ki, bir çoxları savadsızlıq edir. Ölkədə 2-3 yaxşı və əsl futbol nümaiş etdirən klub, əla məşqçi varsa, biri "Səbail" və Şahin Diniyevdir. Qardaş adam meydanda futbol oynadır. Başqa klublar kimi "Qarabağ", "Sabah" "Zirə" kimi güclü klubların qarşısında bkülmür, müdafiədə oturmur, qorxmur. "Səbail" istənilən rəqibin qapısına yol tapa bilir. İstər "Qarabağ", istərsə "Sabah". "Zirə" və sair. Özü də bir qol deyil, qollar vurmağı bacarır. Həm keçən mövsüm, həm də, bu mövsüm bunu bacarəb. Bəs bunlar kimin zəhməti, əziyyəti, gördüyü yüksək səviyyəli işdir? Əlbəttə ki, Azərbaycanın ən güclü mütəxəssiz məşqçilərindən biri olan Şahin Diniyevin zəhmətidir. Futbolçular bir əsgərdir. Bir ordudur. Əgər bu ordunun komandiri ağıllı, savadlı, işini bilən strateq olmasza, həmin ordu məğlubiyyətə məhkumdur. Məhz Şahin Diniyev də, bu ordunun düşünən beynidir. "Səbail"i qınayanlar getsin "Sumqayıt"a irad bildirsin. Samir Abbasovun komandası özünün ən rəzil günlərini yaşayır. Ay kişi keçən mövsüm avrokuboka vəsiqə qazanan klub 4-5 turdu məğlub olur. Qələbə üzünə həsrət qalıb. Şahin Diniyevin az büdccə, gənc futbolçularla etdiyini heç hər il milyonlarla manat xərclənən "Neftçi" edə bilmir. Özünüz fikirləşin ki, Neft sektorunun SOCCAR-ın himayəsində olan, ən çox milyonlarla pul vəsəaiti ayrılan, heyətində ən güclü legionerləri olan, müxtəlif millilərin formasını geyinən "Neftçi" axrıncı yerdədir. Gələn -gedənə qapazaltı olub. Təsəffür edirn turnir cədvəlində "Səbail"dən də, aşağıdadır. Bəs bu klublardan niyə danışmırsınız? hə məhz ona görə adam gərək əyri otursa da, düz danışsın. Şahin Diniyev təkcə mənə görə yox, ümumi götürəndə ən güclü mütəxəssizlərdəndir ki, meydanda əsl futbol oynadır. "Turan Tovuz"la oyunda Kurban Berdiyev Şahin Diniyevə yaxınlaşaraq, məni hələ belə çətinə salan klub və məşqçi görməmişdim deyib. Bu isə Şahin Diniyev və onun "Səbail"nin düzgün yolda olmasına işarətdir. Klub rəhbərliyi Şahin Diniyevə sonacan güvənməli, dəstək olmalıdır. Çünki hələ çempionatda cəmi 7 tur geridə qalıb. Hələ qabaqda oyunlar, sensasiyalar var. "Səbail" daha yüksək pillələrə yüksəlib, mövsümüm uğurla başa vura bilmək gücündə olan komandaya malikdir.

Əli HƏYATİ