Azərbaycan premyer liqasında bir çox məşqçilər gəlib, bir çoxları da izssiz,nəticəsiz gedib. Necə gəlibsə, elədə toy bayramla gediblər. Bu məşqçi koteqoriyalarına həm yerli, həm də, əcnəbiləri daxil etmək olar. Lakin klublarımızın bir çoxunda elə yerli və əcnəbi mütəxəssizlər çalışıblar ki, nəinki peşəsinə, heç insanlığına da, adamın hörmət etməyi gəlmir. Hə bir də, Azərbaycan klubları tez –tez baş məşqçi dəyişməyi sevir. Bunların içərisində sıralamada 1-2 –ci pilləni tutan “Səbail”dir. Zarafat deyil ey, “Səbail” klubu Aftandil Hacıyevlə bu gün iki illik müqavilə bağlayıb,10 gün sonra istefaya göndərib. Onun yerinə isə bir neçə gündən sonra Mahmud Qurbanovu təyin edib. Elə Mahmud Qurbanov da, “Səbail”də çox qalmadı. Qış fasiləsi çatar –çatnaz arxasından dəydilər. Nə müşkül məsələdirsə, “Səbail”də çox işləmək olmur. Klub rəhbərliyi Mahmud Qurbanovun yerinə isə Azərbaycanın tanınmış mütəxəssizi Şahin Diniyevi gətirdi. Azərbaycan premyer liqasının 19-cu turunda “Səbail” təhvil alan Ş. Diniyevə ümüdlər böyükdür. Lakin Azərbaycan mətbuatı yerli məşqçini son günlər tənqid atəşinə tutmağa başlayıb. Özünün, sonra isə oğulları haqqında mətbuatda müəyyən yazılar dərc edilir. “Zirə”də top qovan Coşqun Diniyevin maşını dövlət tərəfindən cəza olaraq götürüldüyünü, futbolçunun Azərbaycan polisinə tabe olmadığı, qayda-qanuna riayyət etmədiyi yazılır. Bundan başqa Şahin Diniyevin “Səbail”i bir ailə komandasına çevirib kimi yazılar dərc edilir. Oğlu Kərim Diniyevi və digər qohumunu komandaya köməkçi gətirdiyi sosial şəbəkələrdə yayılır. Görünür Şahin müəllimin qara piyar kompaniyasına başlayıblar. Son zamanalar Şahin Diniyevin “Səbail”də qalmayacağını yazanlar da var.

Mətbuatda Ş. Diniyev “Sabail”lə gələndə klub sonuncu pillədə qərarlaşmışdı. Altı tur sonra yenə də sonuncu pillədədir deyə söylənilir. Görünən odur ki, mətbuata kimlərsə Şahin hocanı vurulması üçün can atanlar var. Bilirlər axı, mətbuat çox böyük qüvvədir. Mən buradan öz jurnalis həmkarlarıma, və sosial şəbəkədəki futbol azarkeşlərinə üzümü tutub deyirəm. Azərbaycanın 1-2 yaxşı, təcrübəli, işini bilən, zəhmətkeş məşqçiləri varsa, bunlardan biri də, Şahin Diniyevdir. Ş, Diniyev Azərbaycan millisinin baş məşqçisi olub. İlk dəfə Türkiyə millisi ilə oyunda qollu heç –heçə edərək tarix yazan bir məşqçidir. Bu həmin Türkiyə millisi idi ki, avropa meydanlarında at oynadırdı. Dünya çempionatında 3-cü yeri tutmuşdur. Şahin Diniyev həm də, ölkə kanarında çalışmış mütəxəssidir. Ən başlıcası isə Azərbaycanlı mütəxəssiz gözəl ürəyə sahib, ədəbli, əxlaqlı bir insandır. “Səbail”in baş məşqçi postuna gələn zaman qış transfer dönəmində kluba transferləri doldurmadı. Özü də, bildirdi ki, mən istəmərəm ki, çörək yediyim klubu yersiz xərcə salım. Yəni bəyəndiyim oyunçu olmadı, transfer etmədik. Yersiz transferlər etmək mənlik deyil. İndi başqa əcnəbi və ya, yerli məşqçi olsaydı, doldurmuşdu futbolçuları komandaya. Səviyyəsinin fərqinə varmadan. Əsas pul qazanmaq olsun. O,ki qaldı Kərim Diniyevin atasının yanında işləməsi, burada qeyri –adi nə var. Öyrəşmişik Azərbaycanlı məşqçilərə ləkə yaxmağa. “Xəzər Lənkəran”da Ton Toşak oğlu ilə işləyib milyonlar qazana bilər. Şahin Diniyev oğli ilə quru maaşa işləyə bilməzmi? Bu nə təfəkkürdü, bu nə düşüncə tərzidir axı? “Səbail”in Şahin Diniyevin gəlişindən sonra yenə də sonuncu pillədə olmasına gəlincə isə cücəni hələ payızda sayarlar məsəlini yada salmaq istərəm. Bundan başqa, unutmayaq ki, Ş. Diniyev gəlişindən sonra öz futbolçularını, yeni transferləri, komandasına cəlb etməyib. Yəni bu onun komandası deyil. Köhnə məşqçilərdən qalma futbolçuları məcburiyyət əsasında istifadə edir. Bilirsiniz ki, hər bir məşqçinin öz bəyəndiyi, sisteminə uyğun olanfutbolçuları, transfer edirlər. Biz öz yerli məşqçilərizə dəstək olmalıyıq. Necə ki, Qurban Qurbanova 10 ildir dəsətk olurq. Bunun müqabilində Q.Qurbanov tarix yazır. Şahin Diniyev və digər məşqçilər də, Azərbaycanlıdır. Onlar da, bu vətənin oğullarıdır. Onlar da, bu vətən üçün meydanlara çıxıblar. Azərbaycan millisinin vaxtı ilə şərəfini qoruyublar. Oğul demişkən, Şahin hoca Azərbaycan futboluna, milli komandamıza Coşqun və Kərim kimi futbolçular bəxş ediblər. Belə bir insanı, belə bir mütəxəssizi ləkələmək, mətbuat vasitəsi ilə vurmaq, daim təzyiq altında saxlamaq olmaz. Gəlin Şahin Diniyev və onun timsalında olan bütün yerli məşqçilərimizə dəstək olaq. Əgər “Səbail” premyer liqada qalası olsa, növbəti mövsümdə Ş. Diniyev möhtəşəm, döyüşkən, hətta yuxarı yerlər uğrunda mübarizə aparacaq bir komanda yaradacaq. Mən Şahin diniyevi dəstəkləyirəm. Və öz həmkarlarımı da, buradan hocanı dəstəkləməyə çağırıram. Öz millətimizə, öz məşqçilərimizə gəlin dəyər verək. Çünki yadlar, əcnəbilər gələr –gedərdi. Lakin özümüzünkülər isə bu vətənin, bu torpağın oğullarıdır.

Əli HƏYATİ