Azərbaycanın ən köklü klubu “Neftçi”də köklü dəyişikliklər oldu. İlk olaraq deyim ki, SOCAR-nın yeni prezidenti Rövşən Nəcəfin gəlişindən sonra sönmüş “Neftçi” komandasına diqqətlər artmağa başladı. Yəni “Neftçi”sevərlər, azarkeşlərin kluba, onun güclü olacağına inamları qayıtdı. İdarə heyətində dəyişikliklər getdi. Klubda uğurlu ola bilməyən Kamran Quliyev klub rəhbərliyi postundan uzaqlaşdırıldı. Bundan sönra klubda dəyişikliklər başladı. “Neftçi”nin baş məşqçi postunda dünya futbolunda tanınmış sima Adrian Mutu gətirildi. Klub rəhbərliyi postuna isə Fərrux Mahmudov təyin edildi. Məhz bundan sonra “Neftçi” klubuna səviyyəli legionerlərin transferləri baş tutdu. Düzdü, “Neftçi” hələ ondan gözləniləni verə bilmir. Lakin bu başa düşüləndi. Çünki i stənilən dəyişiklik olan kluba və yeni baş məşqçiyə, transferlərə zaman vermək lazımdır. Bu bütün dünyada belədir. Bütün klublarda bu proseslər zamanla qaydasına düşür. Klubun yeni rəhbəri Fərrux Mahmudovla bağlı ilkin təsürat olaraq çox xoş sözlər demək olar. İlk olaraq F. Mahmudovun gəlişindən sonra komandada bir ruh yüksəkliyi yaranıb. Peşəkarlıq və nizam-intizam artıb. Komanda olaraq, futbolçular və rəhbərlik heyəti mətbuatla daha sıx əlaqədə olur.

Daima mətbuatın suallarını cavablandırır. Əvvəlki rəhbərliklər kimi mətbuatdan qaçmırlar. Şəxsən Fərrux Mahmudova gəlincə isə müsahibəsində də, bildirmişdir ki, biz mətbuatla daha sıx əmakdaşlıq etmək üçün əlimizdən gələni etməyə çalışacağıq. Yeni klub rəhbəri F. Mahmudovun həm insani keyfiyyətlərini, həm də, peşəkarlığını yüksək qiymətləndirmək olar. Bu prizmadan baxsaaq, ”Neftçi”nin bu rəhbərliklə daha uzaqlara gedə biləcəyini, daha yaxşı nəticələr əldə edə biləcəyini təxmin etmək olar. Bir tənqidçi jurnalist olaraq hazırki rəhbərlik haqda, klubun gələcəyi barəsində qısa fikrimi yazıram. F. Mahmudovla “Neftçi” klubu “Qarabağ”a çox baş ağrısı olacaq. Mən hələ təxmin edə bilərəm ki, “Neftçi” bu mövsüm çempionluğu “Qarabağ”ın əlindən ala bilər. Nəzərə alaq ki, klub hələ bir neçə səviyyəli legionerin transferi üçün hərəkətə keçib. Sadəcə, klub rəhbərliyinin özünün də, dediyi kimi bir qədər zamana ehtiyac var. Sentyabır ayında daha istəkli,daha əzimkar, daha güclü “Neftçi” görə biləcəyik. Klub rəhbərliyinə gəlincə isə gələn gündən doğru addımlar atır. Heç bir səhvə yol verməyib. Özünü yaxşı tərəfdən göstəməyi bacarır. Mətbuatla münasibətlərin düzəməsində təməl prinsipini qoyur. Azarkeşlər isə rəhbərlikdən hələ ki, razıdır. Bir də, bir mətbuat olaraq Azərbaycan klublarına dəstək olmalıyıq. F. Mahmudovun klubda öz potensialını ortaya qoyması, klubu irəli aparması üçün dəstək olamlıyıq. Əlbəttə ki, "Neftçi"nin uğurlu olacağında Rövşən Nəcəf imzası da, xüsusi önəm daşıyacaq. Çünki bu şəxs futbolu çox sevir. Və bildiyimiz qədər bir "Neftçi" azarkeşidir. Bütün mətbuatı, jurnalist həmkarlarımı, Fərrux Mahmudova və onun “Neftçi”sinə, bir Azərbaycan klubuna dəstək olmağa çağırıram. Düzgün rəqabət olan yerdə,inkişaf olar deyərlər. Şəxsən mən, bu mövsüm “Neftçi”dən daha uğurlu sonluq gözləyirəm. Gəlin dəstək olaq.

Əli HƏYATİ