"Araz Naxçıvan"nın premyer liqaya çıxmasında bir başa baş məşqçisi Azər Bağırovun əməyi var. Onun belə bir çətin durumda klubu çempion etməsi, premyer liqaya çıxarması onun məşqçi kimi bacarığının, istedadının olmasından xəbər verir. Bir çoxları, Azər Bağırovun premyer liqada baş məşqçi kimi uğur qazana bilməyəcəyini deyirdi. Yəni konkret olaraq əjdahaların içində itib-batacağını düşünürdülər. Lakin mən təcrübəli jurnalist olaraq Azər Bağırovun məşqçi kimi bacarığına yaxşı bələdəm. Son dönəmdəki "Araz Naxçıvan"dakı oyunlarını birinci diviziondakı göstərdiyi performansı yaxından izləyirdim. Azər Bağırov bir çox çətin və həlledici görüşlərdə hələ birinci divizonda özünə məxsus futbol fəlsəfəsini işə salmağı bacardı. A.Bağırov gənc olsa da, premyer liqa təcrübəsi az olsa da, çox bacarıqlı, çalışqan, və məqsədyönlü bir məşqçidir. Futbol camiəsində mətbuat və bir çoxları düşünürdülər ki, premyer liqaya çıxan "Araz Naxçıvan"da onu baş məşqçi kimi saxlamayacaqlar. Və daha təcrübəli bir baş məşqçi ilə müqavilə imzalanacaq. Lakin gözlənilənlərin əksinə rəhbərlik ona ehtimad etdi. Düşünürəm ki, çox düzgün qərar verib. Premyer liqa klublarına təzə qan lazımdır. Klublarımıza Azər Bağırov kimi gənc, bacarıqlı, çalışqan, enerjisi çox, futbola sevgisi çox olan məşqçilər gətirilməlidir. İlk görüşdə "Turan Tovuz"a böyük hesabla məğlub olandan sonra mətbuat və sosial şəbəkələrdə Naxçıvan klubuna və baş məşqçisi Azər Bağırova tənqidlər hətta təhqirlər səsləndirdilər. Çox yalnış addımlar atıldı. Çempionatın ilk turuna görə məşqçi əməyini və klubun oyununu qiymətləndirmək düzgün olmaz axı. Baxın ilk turda "Qarabağ", "Neftçi" və 15 milyon büdcəsi olan "Səbail", "Qəbələ" də məğlub olmuşdu. Onları niyə tənqid etmədiniz? gücünüz bir gənc baş məşqçi Azər Bağırova çatdımı. İmkan verin yerli məşqçi öz bacarığını, qabındakını ortaya qoysun. Bu qədər gərginlik, tənqid, stres içində yaxşı nəticə qazanmaq çox çətindir. Biz mətbuat olaraq, yerli müəxəssizlərimizə dəstək olmalıyıq. Azər Bağırov kimi yerli məşqçilərə daha çox şans vermək, daha çox güvənmək laızmdır. Çünki bizlərə Aleksey Baqa, Regekamf, Adrian Mutu kimi məşqçilər qalmayacaq. Bizlərə elə Qurban Qurbanov Azər Bağırov, Ayxan Abbasov kimi məşqçilər qalacaq. Məhz yerli məşqçilərin sayəsində gənc futbolçularımıza premyer liqada özünü göstərmək, kəşf etmək, üzə çıxmaq üçün şans verilir. Əcnəbi məşqçilərin Azərbaycan futbolunun gələcəyi heç maraqlı da, deyil. Onlar küllü miqdarda pulunu, milyonları, alıb qoyurlar ciblərinə. Bir müddət burada vaxt keçirib gedirlər. İndi gördünüzmü Azər Bağırovun performansını. "Qəbələ" kimi güclü rəqibi iki qolla necə məğlub etdilər. Hələ daha çox qol vura bilərdilər. Şəxsən mən bir jurnalist olaraq, Azər Bağırova dəstək olmağa çağırıram. Yerli məşqçilərə bilirini ortaya qoymaq, bacarığını göstərmək üçün zaman vermək lazımdır. Düşünürəm ki, A. Bağırov bu il, bu mövsüm sensasiyalara, yaxşı nəticələrə imza atacaq.

Əli HƏYATİ