Azərbaycan premyer liqasının növbəti mövsümün ikinci turu keçirlidi. Bu mövsümün ilk turunda gözlənilməz nəticələrlə yadda qaldı. İlk turda "Neftçi" Gəncə səfərində "Kəpəz"ə məğlub oldu. Son çempion "Qarabağ" isə "Zirə"yə üç xalı bağışladı. Görünən odur ki, hələ çox maraqlı və gərgin oyunların, sensasiyalı turların şahidi ola biləcəyik. Bu mövsüm premyer liqaya yüksəlmiş "Araz Naxçıvan" klubu ilk turda məğlub oldu. "Turan Tovuz" rəqibinə böyük hesabla qalib gəldi. Məhz bu məğlubiyyətdən sonra Naxçıvan klubunu asmağa-kəsməyə başladır. Bəs "Araz Naxçıvan" klubundan çox legioner transfer edən klub yoxdur. Gedib pul silmək xətrinə səviyyəsiz legioner alıb gətiriblər. Əslində mətbuat olaraq buna çox yalnış yanaşdılar. Birincisi, çempionatın ilk turunda məğlubiyyət faciə, və ucurum demək deyil. Hər kəs yaxşı bilir ki, çempionatın ilk turunda bu cür nəticələr ən güclü klubların da, başına gələ blər. Necə ki, "Qarabağ" və "Neftçi" start oyununda uduzdular. O ki,qaldı "Araz Naxçıvan" klubunun futbolçularına, gətirilən legionerlərə Azərbaycan futboluna odaptasiya olmaları üçün vaxt lazım idi. Futbolçuların səviyyəsi "Qəbələ" ilə matçda ortaya çıxdı. Çox keçmədi ki, tənqid olunan klub və həmin legionerlər alqışlandı. Demək ki, tələsmək olmaz cənablar. "Araz Naxçıvan" klubunun yeni prezidenti Ramin Axundovun gəlişindən sonra klubda bir möhtəşəm canlanma oldu. Pulsuz və parasız, biçarə, durumda olan klubda hər şey qaydasında getməyə başladı. Ən əsası kluba təcili sürətdə yeni futbolçula “Araz-Naxçıvan”a transfer edilir. Klubun strukturu, idarə heyəti quruldu. Zaur Axundovun vaxtında onun adamı kimi daima yanında işləmiş Eldəniz Yusubov “Araz-Naxçıvan” PFK-nın icraçı direktoru təyin olunur. Həmçinin mətbuat xidməti olaraq da, xidmət göstərəcək. Düşünürəm ki, "Araz Naxçıvan"a ən ideal, ən səviyyəli transfer elə Eldəniz Yusubovun təyinatı oldu. Eldəniz çox güclü, savadlı jurnalistdir. İllərlə Azərbaycan klublarında AZAL-da belə mətbuat xidmətinin rəhbəri çalışıb. Eldəniz Yusubovla vaxtı ilə mən də, Futbol plus qəzetində birgə redaksiyada çalışmışam. Eldəniz həm gözəl, mədəni insan, həmçinin də, əla kadırdı. İşini bilən, peşəkar bir futbol adamıdır. Düşünürəm ki, Eldəniz Yusubovun "Araz Naxçıvan"a gəlişi, klubun inkişafına, mətbuatla sıx əməkdaşlığa, gözəl münasibətlərə də, öz töhvəsini verəcək. Həmçinin, Eldəniz Yusubov kimi kadırların çox olması yalnız Azərbaycan futbolunun inkişafına xidmət edə bilər. Fikrimcə, "Araz Naxçıvan" hələ çox klublara baş ağrısı olacaq. Çox klublarla matçlarda sensasiyalara ata biləcək. Yeni baş məşqçi Azər Bağırova isə şəxsən mənim inamım böyükdür. Onun potensialını bu ilki çempionatda görə biləcəyimizi düşünürəm. "Qəbələ" ilə oyunda məşqçi işi, oyun taktikası açıq -aşkar görünürdü. Belə gənc məşqçilərimizə, gənc mütəxəssizlərimizə dəstək olmalıyıq.

Əli HƏYATİ