Yəqin ki, hazırda “Neftçi”nin yarıtmaz prezidenti Kamran Quliyev özünü dünyanın ən xoşbəxti hesab edir. Çünki “Neftçi” klimi qocaman, ölkə futbolunda milyonlarla azarkeş qazanmış “Flaqman” bir komandanı uçruma apardı. Rəhbərlik etdiyi komandaya bir bax. Klubunun başına gətirdiyi baş məşqçiyə diqqət edin. Gələndən hələ ki, “Pafoslu” açıqlamalarla yadda qalıb. Ortaya hələ bir iş qoya bilməyib. Klubunun göstərdiyi, nümaiş etdirdiyi, utancverici futbola bir bax. Daha nələr demək olar. Dünən təmsilçimiz Konfrans Liqasının 2-ci təsnifat mərhələsində keçirilən "Aris”lə oyun tam rəzalət idi. Nə adına, nə şanına, nədə ki,onlara axan milyonlarla vəsaitə layiq idilər. “Aris” klubu ilk dəfədir ki, bu Avrokuboklarda iştirak edir. Bəs təcrübəli “Neftçi”yə nə olub? Niyə denən özünü meydanda acız göstərib, rəzalət bir oyun sərgilədi. Sən “Neftçi” nədən özünü avrokuboklarda aciz göstərirsən. Axı Azərbaycan futbolunda ilk dəfə Avroliqanın qrupuna vəsiqə qazanmış klubsan. Bu tarixi ilk dəfə sən yazmısan. Ancaq göstərdiyi oyuna bir baxın. Meydançaya çıxan “Neftçi” müdafiəçiləri sanki donmuşdu. Ümumiyyətlə, nə etdiklərini bilmirdilər. Rəqibin cərimə meydançamızda, topla istədikləri kimi rəftar etmələrinə, qapıya istənilən mövqedən zərbə vurmalarına, imkan yaradırdılar. “Neftçi”nin və baş məşqçisi Regekampfın səfərdə “Aris”ə qarşı göstərdiyi oyun məhəllə futbolu idi. Məhəllə futbolu “Neftçi”nin oynadığı futboldan daha maraqlı, daha səviyyəlidir. Rumuniyalı yeni baş məşqçinin dünənki oyunda heç xırda bir işi görünmədi. Yəni gördüyümüz, tanıdığımız “Neftçi”dir. Əlbəttə ki, zəif “Neftçi”. Regekampfın baş məşqçi olarq oyun sistemində və taktiki olaraq heç bir işini görə bilmədik. Bu adamın nəyini bəyənib kluba gətiriblər. Vallah baş məşqçinin qalmaqallı həyat yoldaşı Prodanı klubun sükanı arxasına gətirsəydilər, daha yaxşı xeyri dəyərdi. Heç olmasa qalmaqalla “Neftçi”ni gündəmdə saxlayarı. Bir iki tanınmış futbolçunu transfer edərdi. “Aris”in baş məşqçisi dünən bir qədər istehza ilə danışıb. Hətta deyibdir ki, “Neftçi”yə daha çox qol vura bilərdik. Yəni bəxtləri gətirdi ki, rüsvayçı məğlubiyyətlə üzləşmədilər. Təhlükəli vəziyyətləri, dirəkdən qayıdan toplarını nəzərə alsaq, “Aris”in baş məşqçisi düz deyib. Ancaq rəqib komanda ümumi planda istədiyinə nail oldu. Bakıdakı oyuna çox rahat çıxacaqlarını söləmək olar. Yəni bütün komanda ilə hücuma atılacaq “Neftçi”ni əks-hücumda sərt cəzalandıra bilərlər. Bu üslubları illərdi çox oyunlarda görmüşük. “Biz jurnalistlər deyəndə ki, “Neftçi” hazırlıqlara gec başlayır,bir çox qərarları çox gec verir. Hətta özünü təhlükəyə atır, elə bilirlər ki, düşmançılıq edirik. Klublar təlim-məşq toplanışına yığışanda, transferlər etməyə başlayanda, “Neftçi” hələ yatmışdı. Nə baş məşqçisi bilinirdi, nədəki klubdan hansı futbolçuların ayrılacağı. Hələ transferləri də, çox gec etdilər. Nəticəsi də, belə olmalı idi. Gətirdikləri baş məşqçi kimi “Neftçi”yə heç bir xeyr verməyəcək. Bunu indidən əminliklə söyləyirəm. Nə isə. Bütün çətinliklərə, rəzilliklərə baxmayaraq,“Neftçi”yə növbəti təkrar qarşılaşmada uğurlar arzu edirəm. Heç olmasa möcüzəyə inanaq. Çünki “Neftçi” klubu Kamran Quliyevin şəxsi klubu deyil, Azərbaycan xalqınındır. Bu ölkənin, bu dövlətin, bu millətindir.

Əli HƏYATİ