“Sumqayıt”la oyun Premyer Liqanın bu mövsümkü sonuncu oyunumuz olacaq. Onlara qarşı bu mövsüm dördüncü oyunumuz olacaq. Komandanı yaxşı tanıyırıq. Bu komandanı baş məşqçi ilə birgə yaxşı analiz etdikdən sonra meydanda nə edəcəyimizi biləcəyik. “Sumqayıt” klubu “Şamaxı”nı məğlub edib. “Sabah”la oyunda isə qələbəyə bərabər heç –heçə etdi. Hətta qalib gələ də bilərdilər. Bir sözlə yüksəliş hiss olunur. Yəni onlarla oyunumuz asan olmayacaq. Lakin biz bu oyunda qələbə üçün əlimizdən gələi edəcəyik.”

Bu sözləri Futbolmedia.Az saytına açıqlamasında “Səbail” klubunun futbolçusu Ədilxan Qaraəhmədov deyib. “Səbail” klubu ilə yeni müqavilə bağlamaq təklif olunubmu sualına cavab verən futbolçu bunları dedi.

“Düzünü deyim ki, klub rəhbərliyindən müqavilə təklifi hələ gəlməyib. Ola bilsin ki, sonuncu turdan sonra danışıqlar, təkliflər olacaq. Necə mələhət olacaqsa, elə də, edəcəyik. Başqa klublardan təkliflərim var. Lakin ilk öncə,doğma klubum “səbail”in fikrini öyrənəcəm. Düz dörd ildir ki, bu klubun şərəfini qoruyuram. Ona görə də, mənə çox əzizdirlər. Bundan sonra tam qərar verəcəm.