Artıq indidən bəzi klublarımızın mükəfatçılar sırasında yer alacağını təxmin etmək mümkündür. Məsələn “Sabah” klubu öncəki turda qalib gələrək, Avrokuboklara vəsiqəni təmin edib. “Qarabağ”ın da, çempionluq qazanacağına şübhə qalmayıb. Bir çox futbolçuların adları iddialı klublarla hallanmağa başlayıb. Son günlərdə adı bir neçə klubla hallanan Araz Abdullayevin daha bir müştərisi çıxıb. Neçə mövsümdür ki, çempionluğa həsrət qalan “Neftçi” sabiq futbolçusunu heyətinə qatmaq istəyir. Futbolmedia.az saytının etibarlı mənbədən aldığı məlumata görə, “Neftçi” azad agent statusu olan futbolçu ilə yaxın zamanda danışıq masasına oturacaq.

Onu da, bildirək ki, bir 10 gün öncə Araz Abdullayevin adı “Sabah” və “Qəbələ” klubları ilə hallanırdı. Bu iki klubun da, təcrübəli futbolçunu heyətinə qatmaq üçün hərəkətə keçdiyi mətbuatda yer almışdı. Bütün bunlardan nəticə çıxartmaq olar ki, Araz Abdullayev üçün iddialı klublarımız əməlli başlı mübarizəyə başlayıb. Hər bir klub kifayyət qədər təcrübəsi olan, ölkə çempionatına yaxşı bələd olan, kifayyət qədər avropa təcrübəsi olmuş futbolçunu, öz komandasında görmək istəyir. Çox güman ki, mövsümün sonda Araz Abdullayevin yeni iş yeri bu 3 klubdan biri olacaq.