Azərbaycan Premyer Liqasında fasilə yaranacaq. Klubların qış fasiləsinə yollanması, güclənməsi üçün müəyyən transferlərin həyata keçirəcəyi gözlənilir. Lakin indidən bir çox klublar bəzi futbolçuları heyətinə qatmaq üçün hərəkətə keçməyə başlayıblar. Mövsüm başlayandan bir çox futbolçuların oyunlarda göstərdiyi performanslar yadda qalıb. Bir çox iddialı klubların heyətindəki yerli futbolçular ümüdləri doğrultmadı. Məsələn “Neftçi”, “Zirə, “Sabah” və hətta “Qarabağ” heyətini yerli istedadlı, təcrübəli futbolçularla gücləndirmək istəyir. Futbolmedia.Az saytının etibarlı mənbədən aldığı məlumata görə, “Neftçİ” hazırda “Keşlənin 1-2 futbolçusuna göz qoyub. Bunlardan biri də, Tural Axundovdur. Çempionat ərzində bu futbolçunun oyunu, əzimkarlığı, göz oxşayırdı. Bu futbolçu daim irəli atılaraq komandasının hücumlarında fəal iştirak edir. İstər “Qarabağ” , “Neftçi”, istərsə də, digər ortabab klublarla qarşılaşmalarda demək olar ki, səhvsiz oynamışdı. Buna misal olaraq, “Qarabağ”la “Neftçi”ylə matçlarını nümunə göstərmək olar. Fiziki göstəriciləri, təcrübəsi, ilə komandasının liderlərindən olan Tural Axundov “Neftçi”nin diqqət mərkəzinə düşməyi bacardı. Aldığımız məlumata görə, “Neftçi” T. Axundov üçün fasilə zamanı danışıqlara başlayacaq.