Azərbaycan premyer liqasında 2024-2025-ci il mövsümü başa çatar-çatmaz klublarımız transfer çalışmalarına start verdi. Bir çox klublar ilk öncə gedən futbolçularını açıqladılar. Və eyni zamanda qalacaq futbolçularla müqaviləni yenilədilər. Növbəti gedişat klubların güclənməsi, yeni transferlər olacaq. Demək olar ki, bir neçə tanınmış futbolçuların adları bəzi klublarla hallanmağa başlayıb. Futbolmedia.az saytının etibarlı mənbədən aldığı məlumata görə, "Sumqayıt" və "Qəbələ" klubu heyətini gücləndirmək, Rəhman Hacıyevi transfer etmək üçün mübarizəyə qoşulub. "Sumqayıt" klubunun həm rəhbəri, həmçinin transferləri baş menecer olaraq həyata keçirən Riad Rəfiyev futbolçu Rəhmanı Hacıyevi klubunda görmək istəyir. Məlumata görə klub rəhbəri baş məşqçisi hələ də, təsdiqlənməyən klubun cinahında hücumu gücləndirmək üçün bu addımı atır. Komandasını gücləndirmək üçün texnikalı, hər iki cinahda sürətli keçidləri, driblinqləri və qol vurmaq bacarığına malik Rəhman Hacıyev "Sumqaıt"ın transfer siyahısındadır. Hətta məlumata görə,yaxın bir həftə ərzində futbolçuya rəsmi təklif göndəriləcək. Bundan başqa yenidən Azərbaycan premyer liqasına qayıdan "Qəbələ" Azər Salahlı və R. Hacıyevin xidmətində çox maraqlıdır. Premyer liqada qalmaq üçün güclü və təcrübəli futbolçulara ehtiyacı olan klubun ilk seçimi Rəhmanın olduğu bildirirlir. Çox güman ki, yaxın zamanlarda iki klubdan biri Rəhman Hacıyevi heyətinə qata bilər.