“Şamaxı” klubu 1-ci liqanın son turunda “Araz Saatlı”nı 3:1 hesabı ilə məğlub edərək çempion oldu. Bu isə o, deməkdir ki, bölgə klubu avtomatik olaraq Azərbaycan premyer liqasına vəsiqəni təmin etdi. “Şamaxı” klubu yenidən Azərbaycan premyer liqasında olacaq. Mövsüm boyu bölgə klubu baş məşqçi Ramiz Məmmədovun rəhbərliyi altında möhtəşəm bir oyun sərgilədi. Gənc futbolçulardan qurulmuş heyəti yerli müətəxəssiz gözəl bir kollektivə çevirməyi bacardı. Düzünü desəm, Ramiz Məmmədovun bu uğuru qazanacağına heç şübhə yox idi. Çünki azərbaycanlı təcrübəli mütəxəssiz əvvəllər də, premyer liqada baş məşqçi kimi fəaliyyət göstərmiş, uğur və qələbələr qazanmışdır. Bir sözlə, öz adından yaxşı mənada çempionata çox rəng qatmışdı. Ramiz Məmmədovun “Qəbələ”nin baş məşqçisi olanda komanda əla futbol sərgiləyirdi. Güclü rəqiblərinə divan tutmağı bacarmışdı. “Şamaxı” klubunun bu uğurunu baş məşqçinin adına yazmaq haqlı olardı. Əlbəttə ki, kollektiv və klub rəhbərliyinin də, töhvəsi danılmazdı. Baş məşqçinin və komandanın arxasında sona kimi dayandılar. İnanıram ki, komanda premyer liqada çıxış edən zaman da, ənənəsinə sadiq qalacaq, Ramiz Məmmədova yetərincə dəstək olacaqlar. “Şamaxı”nın fərqli oyun sistemi, özünə məxsus taktikası meydanda hiss olunurdu. Azərbaycanlı mütəxəssiz öz futbol fəlsəfəsini komandaya tətbiq etməyi çox qısa zamanda bacardı. Bu isə Ramiz Məmmədovun futbol biliyinin, fəlsəfəsinin nə qədər zəngin olmasından xəbər verir.

Futbol camiəsində uzun illərdi çalışan,tənqidçi jurnalis olaraq düşünürəm ki, R. Məmmədov Azərbaycan futbolunda yenə öz sözünü deyəcək. Ən azından premyer liqamıza rəng qatacaq. Hətta güclü rəqiblərlə oyunlardaı dirəniş və sensasiyalara imza atacaq. Mən hər zaman Azərbaycanlı mütəxəssizlərə, yerli məşqçilərə dəstək olmuşam. Bu gün də, öz fikrimdə, ən-ənəmdə qalıram. Buradan bütün mətbuata, jurnalist həmkarlarıma Azərbaycanlı məşqçi Ramiz Məmmədova dəstək olmağa çağırıram. Baxın görün məşqçi olaraq nə qədər yerli, yeni istedadlı futbolçular üzə çıxardı. Gələcəkdə, “Şamaxı” futbolçularının daha çox üzvü Azərbaycan millisinin formasını geyinə biləcək. R. Məmmədov futbol mütəxəssizi,məşqçidən başqa da, gözəl insandır.



Hər zaman mətbuata açıq, mehriban münasibətdə olub. Həm Qurban Qurbanov, həm də, Ramiz Məmmədovu xasiyyət və futbol biliyi ilə eyni tutardım. Hər ikisində də, oxşar cəhətlər vardı. Hər ikisi də, Azərbaycan futbolu üçün var-gəl edib. Bundan sönra da, edəcəyinə şübhəm yoxdur. Bir daha deyirəm ki, bu gün R. Məmmədovun rəhbərliyi altında “Şamaxı”nı və yeni gənc istedadlı futbolçuları Azərbaycan futboluna qazandırdı. Hələ premyer liqa oyunları zaman yaxşı mənada bizləri hələ çox təəccübləndirəcək. Bax belə bacarıqlı, savadlı, işgüzar, işini sevən və bilən məşqçiləri daima dəstəkləmək lazımdır. “Şamaxı” və Ramiz Məmmədova premyer liqada uğurlar.

Əli HƏYATİ