“Neftçi”nin respublika stadionunda “Qarabağ”a məğlub oldu. Hər bir klub məğlub ola bilər. Daha belə istəksiz,bacarıqsız, mənasız futbol oynamaqla yox. Bilirsinzmi “Neftçi” niyə bu günə qalıb. Klubda hesabatlılıq, maliyyə şəffaflığı, doğru idarəçilik futbol adamları və ən əsası uğura inam yoxdur. Ancaq dost- tanışlarını, qohum- əqrabalarını, yaxınlarını ətrafına toplayıb. Guya onlar ağıllı və savadlı, həm də dünyagörüşü hər kəsdən üstündürlər. Əmin olun, bu gün Neftçidə işləyən adamların 90 faizi futbolu peşəkar bir klubda işləyəcək səviyyədə qavramırlar. Bu komandada futbola aidiyyatı olmayan menecerlər, konsultantlar, influencerlər, blogerlər, rejissorlar, aktyorlar, prodüserlər, aparıcılar, işləyir. Axı Mir Yusif adlı müğəninin prodüserinin "Neftçi"də mətbuat xidmətinin rəhbəri kimi işləməsi nə əlaqə? bir böyük absurd. Şou Biznes adamının futbol klubunda nə işi ola bilər axı? Ona görə də, klubun işləri baş- ayaq gedir. Bu qurumun mətbuat xidmətinin rəhbəri vəzifəsində idman jurnalisti çalışmalıdır. Hal -hazırda bu peşə ilə məşğul olan adam olmalıdır. Ən azından futbolu bilən və daima izləyən təcrübəli şəxs olmalıdır. Emin Əfəndi yaxşı oğlandı, mehriban adamdır. Lakin “Neftçi” kimi adlı-sanlı, böyük klubda Mətbuat Xidmətinin Rəhbəri vəzifəsində işləyə bilmir. Çünki bu gün “Neftçi” ən çox tənqid olunan klubdur. Qalib gəlsələr də, işlər yaxşı getsə də, yenin rəhbərliyin,Emin Əfəndinin gəlişindən sonra daha çox tənqid olunurlar. Mən deyərdim ki, hətta daha çox təhqir olunurlar. Çünki klubun mətbuat xidməti də, mətbuatla işlərini yaxşı görə bilmir. Mətbuatla əlqələri düzgün qurmağı bacarmır. SOCAR-ın prezidenti Rövşən Nəcəf "Neftçi"ni başına gələr -gəlməz klubun bəlasını daha da, artırdı. Axı futboldan peşəkar anlayışı olmayan Rövşən Nəcəf niyə görə burnunu klubun işlərinə salmalı, hər işə qarışmalıdır. Futboldan başı çıxan adam olsaydı, "Neftçi"yə gedib Rumınıyadan məşqçilikdə heç bir savadı, təcrübəsi olmayan Adrian Mutunu gətirməzdi. Mən Hələ Fərrux Mahmudovu demirəm. Adamın futbol anlayışı əvvəllər rəhbərlik etdiyi basketbol idman yarışı qədərdi. Axı basketbol hara, futbol hara. "Neftçi"yə yeni gələn rəhbərlik, idarə heyəti klub tarixində ən uğursuz, rəzil, qeyri-peşəkar adamlardı. Belə biabırçılıq, belə rəzillik olmaz. "Qarabağ"la son oyunda "Neftçi"nin heyətində bir futbolçu belə uduzmaqlarına baxmayaraq, sarı vərəqə alan olmayıb. Bilirsinizmi bu amil nədən xəbər verir. Bu amil ondan xəbər verir kl, "Neftçi"nin heyətində çıxış edən heç bir futbolçu meydanda əzimkarlıq, mübarizlik, nümaiş etdirməyib. Axı komandası məğlub olan komandanın futbolçuları meydanda daha mübariz və aqressiv olurlar. Bütün bunlar "Neftçi"nin yarıtmaz rəhbərliyinin, idarə heyətinin, mətbuat xidmətinin yarıtmaz, bacarıqsız, təcrübəsiz, qeyri-peşəkar bacarıqsızlığıdır. Mütləq bunun bir çarəsi tapılmalıdır. Belə gedişat çox pis olaylardan xəbər verir. “Neftçi” kimi adlı-sanlı, tarixi olan komandanı rəsmən məhv edirlər. Uğursuzluğa, bataqlığa sürükləyirlər.

Əli HƏYATİ