Premyer Liqanın 5-ci turunda maraqlı qarşılaşmalarla yadda qaldı. Bir neçə oyun vardı ki, onlara maraq daha çox idi. Bu oyunlardan bir də, "Qəbələ" - "Zirə" matçı idi. Uzun zamandı qələbə qazana bilməyən Elmar Baxşıyev və komandası üçün çox vacib qarşılaşma idi. Bəlkə də, ölüm -qalım məsələsi idi. Çünki uzun zaman qalibiyyət üzü görmüyən "Qəbələ"nin baş məşqçisinin istefasa verə biləcək məsələsi müzakirə mövzusu olmuşdu. Yəni bəlkə də, Elmar Baxşıyev üçün də, bu oyun qalıb və ya, gedim matçı idi. Bir çoxları bu oyunda da, "Zirə"nin qalibiyyətini gözləyənlər çox idi.Çünki Rəşad Sadıqovun komandası 4 tur idi ki, məğlubiyyət üzü görməmişdi. Bütün oyunlarda qalib gəlmişdi. Lakin şəxsən mən və bir çox futbol sahəsində olan insanlar Elmar Baxşıyevə inanırdı. Elə rəhbərliyin də, bu oyuna ümüdü böyük idi. Elmar Baxşıyev bu matça çox təmkinlə çıxmışdı. Düzdü, "Qəbələ" məzmunlu və bir baş üstün oyun nümaiş etdirməsə də, əsas olan qələbəni qazandı. Məhz elə ən əsası da, bu idi. Çünki klubun "qara zolağ"dan çıxması üçün, futbolçuların özünə inamının qayıtması üçün çox vacib matç idi. Elə belə də, oldu. Minimal hesabla qalib gələn "Qəbələ" rəqiblərinə mən hələ sıradan çıxmamışam, hələ də, sizin hər birinizi udmaq, qalib gəlmək gücünə malikəm mesajını verdi. Bir sözlə, Elmar Baxşıyev rəiblərinə dişini göstərdi. Bütün oyun planında, taktiki gedişatlara kimi Rəşad Sadıqova qalib gələn Elmar Baxşıyev göstərdi ki, futbol fəlsəfəsi çox üstündür. Həqiqətən də, Elmar Baxşıyevin futbol fəlsəfəsi, taktiki gedişatları, futbol biliyi çox böyükdür. Şəxsən mən və bir çoxları Elmar Baxşıyevin gri-dönüş edəcəyini, təslim olmayacağını bilirdik. Elə "Qəbələ" azarkeşləri də, mətbuata açıqlamasında Elmar Baxşıyevə inandıqlarını, sonacan dəstəkləyəcəklərini bildirmişdilər. Elə hər şey "Qəbələ" və E. Baxşıyev üçün əla sonunclandı. Buradan "Qəbələ" azarkeşlərini, Elmar Baxşıyevi təbrik etməyə dəyər. Bir təcrübəli futbol jurnalisti kimi düşünürəm ki, "Qəbələ" və baş məşqçisi Elmar Baxşıyev hələ çox komandalara baş ağrısı olacaq. Və onların Avrokubok uğrunda mübarizə şansları itməyib. Bizi hələ qarşıda çox maraqlı oyunlar gözləyir.

Əli HƏYATİ