“Yaxşı, maraqlı və dinamik oyuna şahidlik etdik. Hər iki komanda meydanda açıq futbol nümayiş etdirirdi. Komandamız layiqli mübarizə apardı və qələbə üçün hər şey etdi".

Futbolmedia.az xəbər verir ki, bu sözləri "Qəbələ"nin baş məşqçisi Elmar Baxşıyev Misli Premyer Liqasının 28-ci turunda bu gün "Sabah"la keçirilən səfər oyunundan sonra mətbuat konfransında deyib.

O, 2:3 hesablı məğlubiyyəti belə şərh edib: "Bir neçə epizodda rəqibin təzyiqindən sonra müdafiədə boşluqlar yarandı və qələbəni əldən verdik. Bu matçı udmaq və “Zirə”ni keçmək anlayışı yox idi. Sadəcə qalib gəlmək istəyirdik. Komandama inanıram, sonadək mübarizədən qopmayacağıq. Hakimlikdən çox danışmayacam. Amma əvəzetməni daha tez gerçəkləşdirmək olardı".

E,Baxşıyev millimizin məşqçisi Arif Əsədovun yığma üzvlərinin fiziki durumunun qaydasında olmadığı fikrinə münasibət bildirib: “Qəbələ” 90 dəqiqə ritmi saxlayan komandadır. Təəssüf ki, millidə bizdən oyunçu meydana çıxmadı. Düşünürəm ki, fiziki durumla bağlı problem yoxdur. Yığmanın buraxdığı toplar fərdi səhvlərdən idi”.