Futbolmedia.Az saytının bundan öncəki yazısında uşaq futbolunda baş verənlər, çtinliklər barəsində danışmışdıq. Eyni zamanda uşaq futbolunda yetişən istedadlı uşaqların yetişməsini də, dönə -dönə vurğulamışdıq. Lakin bu istedalı uşaqlara yetərincə diqqət ayrılmır. Axı onlar Azərbaycan futbolunun, milli komandamızın gələcəyidir. Keçən yazımızda 2011-ci il təvəllüdlü istedadlı uşaq Said Bayramovdan söhbət açmışdıq. “Qarabağ” uşaq komandasının əsas qapıçısı Said Bayramovun potensialı göz önündədir. Çempionatda göstərdiyi mükəmməl oyunu sayəsində özündən yaşca böyük komandaların heyətində yer alan gənc qolkiperə maksimum diqqət yetirilməlidir.

AFFA federasiya olaraq Azərbaycan futbolunun gələcək ulduzlarını mütləq himayəyə götürməlidir. Himayə deyərkən, Said Bayramov və onun timsalında olan Azərbaycan futbolunun istedadlarına xüsusi olaraq məşqçilər tutulmalı, onların qidalanmasına, oyun praktikasının artmasına, potensialının yüksəlməsinə dair işlər görülməlidir. Said Bayramovun oyunlarda etdiyi mükəmməl seyvlər dünya şöhrətli qapıçıları xatırladır. Onun oyun üslubu, sıçrayışı, etdiyi seyvlər, təkbə-tək epizodlardan qalib ayrılması Peter Şxeyxel, Oliver Kann kimi adını futbol tarixinə yazdırmış simaları xatırladır. AFFA mütləq şəkildə belə futbolçuları dünya turnesinə göndərməlidir. Təkcə yarışlarla kifayyətlənmək olmaz.



Said Bayramov dünya şöhrətli klubların akademiyasında karyersına davam etdirməlidir. Belə istedadlar “Barselona”, Mançester Yunayted”, “Real “, “Ayaks” kimi klubların akademiyasında yetişməlidir. Əgər hazırda bərbad milli komandaya malik Azərbaycan futbolunda işıqlı gələcək istəyiriksə, mütləq şəkildə bu uşaqları avropa futbol klublarının akademiyasında yerləşdirilməlidir. Belə işlərin həyata keçirilməsi AFFA üçün çətin bir şey deyil. Said Bayramov mütləq “Ayaks”, “Barselona”, “Real” kimi klubların uşaq akademiyalarında futbolun hələ öyrənməmiş sirlərinə yiyələnməlidir. Adlarını çəkdiklərim bu akademiyalar dünya futboluna İbrahimoviç, Ansu Fati, Lionel Messi kimi neçə-neçə istedadlar bəxş edib. Ümüd edirik ki, Said Bayramov tezliklə belə möhtəşəm klubların akademiyaların birində haqqı olan yerini alacaq.