Məlum olduğu kimi "Araz Naxçıvan" gənc məşqçisi Cahid Hüseynovu istefaya göndərdi. Əslində, bu gedişat belə bir olayın çox tez bir zamanda baş verəcəyini siqnal verirdi. Elə gözlədiyimiz kimi də, oldu. İndi klubu əsas düşündürən məsələ çempionatın ortasında tez bazar hansı məşqçini baş məşqçi gətirsin ki. daha böyük problemlərlə üzləşməsinlər. Məsələn premyer liqanı tərk etmək kimi hadisə. Futbolmedia.az saytının etibarlı mənbədən aldığı məlumata görə, "Araz Naxçıvan"ın əsas sahibi özünün köhnə tanışı, yerli mütəxəssis Tərlan Əhmədovu kluba gətirmək istəyir. Vaxtı ilə Zaur Axundovla "Keşlə" klubunda çalışan T. Əhmədov klub rəhbərliyinin təklifini qəbul edəcəkmi? vaxtı ilə aralarında yüngül soyuqluq yaranmışdı. Lakin sonradan barışıq olmuşdu. Bir jurnalist olaraq, hazırki dönəmdə ən ideal variant elə Tərlan Əhmədov olardı. Həm yerli çempionatı daima izləyən, Azərbaycan futboluna yaxşı bələd olan, işlədiyi yerlərdə daima nəticə verən bir mütəxəssisdir. Görünən odur ki, Zaur Axundov daha çox Tərlan Əhmədov variantının üstündə duracaq.

Yazının müəllifi Əli HƏYATİ