“Real”ın, “İnter”in və Niderland millisinin sabiq yarımmüdafiəçisi Uesli Sneyder futbol tarixində ideal hücumçu hesab etdiyi oyunçunun adını açıqlayıb.

Futbolmedia.az “RB Sport”-a istinadən xəbər verir ki, o, həmyerlisi Rud van Nistelroyu bu seçimdə önə çəkib:

“Van Nistelroy cərimə meydançasında əsl yırtıcı idi. O, heçdən, çox zəif imkanlardan belə, qol yarada bilirdi. Onun qol vurmaq instinkti misilsiz idi. Mənim üçün o, ideal hücumçu olaraq qalır”.

Sneyder və Van Nistelroy “Real”da komanda yoldaşı olublar. Van Nistelroy 2012-ci ildə, Sneyder isə 2019-cu ildə futbolçu karyerasını başa vurub. Van Nistelroy peşəkar karyerası ərzində ümumilikdə 674 oyuna çıxıb və 383 qol vurub.