Yeni mövsüm hazırlıqlarını davam etdirən “Kəpəz”də gözlənilməz hadisələr cərəyan edir. Büdcə artımı ilə iddialı vəziyyətə gələcəyi gözlənən Gəncə təmsilçisində işlər yolunda getmir. Belə ki, rəhbərlik azarkeşləri üzəcək, futbol ictimaiyyətini təəccübləndirəcək qərarlar qəbul edib.

Futbolmedia.az xəbər verir ki, yeni rəhbərliyin gəlişinin ardından Gəncə futbolunda yüksəliş olacağını zənn edənlər yavaş-yavaş bu fikirdən daşınmalı olacaq. Çünki klubun idarə heyətinin sədri Namiq Qədirov “Kəpəz”ə gözlənən maliyə dəstəyini verməyəcək.

O, klubun akademiyası və aşağı yaş qrupları ilə bağlı ciddi işlər görmək niyyətində deyil. N.Qədirov klub rəsmilərinə keçirdiyi iclasda açıq şəkildə belə şeylərə önəm vermədiyini bildirib. O, yalnız əsas komandaya müəyyən qədər büdcə ayıracağını qeyd edib.