Azərbaycan premyer liqasının 2-ci turuna start verildi. Dünən çempionluğu illərdi öncədən görülən, ölkənin ən güclü klubu, brendi, "Qarabağ" evdə Adil Şükürovun "Kəpəz"ni qəbul edirdi. İlk öncə deyim ki, Gəncə lubunun və baş məşqçisinin püşk baxımından heç bəxti gətirmədi. Elə ilk turlarda ölkənin iki ən güclülərindən, ən hazırlıqlı olan klublarını qəbul etdi. Həqiqətən də, "Sumqayıt" keçən mövsüm ən çəkinilən, rəqiblərin ehtiyyat etdiyi , maliyəsi, legionerləri səviyyəli olan, klublardan biridir. "Kəpəz" ilk turlarda "Sumqayıt" və "Qarabağ"la qarşılaşdı. Bu iki oyun ikisi də, rəqiblərin meydanında oldu. Yəni bir şanssızlq deyək. Gələk dünənki matça. İlk olaraq, Adil Şükürov və onun komandasına Qarabağ" kimi güclü rəqibindən çəkinmədiyi,sona qədər hücum futboluna üstünlük verdiklər üçün əhsən düşür. Hətta ilk yarıda "Qarabağ" çarəsiz qalmışdı. İkinci yarıda Qurban Qurbanov ən güclü əsgərlərini meydana atdıqdan sonra hesab dəyişdi. Buna qədər "Kəpəz" səfərdə rqibindən heç çəkinmədi. İmkan düşdükcə, rəqibin qapısı qarşısına hücumlar edirdi. Hətta oyun ərzində bir neçə real qol imkanları oldu. Sadəcə, Adil Şükürovun özünün də, dediyi kimi heyətimiz yenidir. 80-90 faiz yeni futbolçular var. Bunu futbol anlayışı olmayan da, bilir ki, heyən komplektləşməsi üçün müəyyən zamana ehtiyac var. Əsas odur ki, dünən "Kəpəz"in oyununda məşqçi işi açıq -aşkar görünürdü. Taktiki və sistematik düzülüşlər, ev tapşırıqları və sair. Düşünürəm ki, artıq növbəti turlarda "Kəpəz"in qələbəsini görə biləcəyik. Çünki komandanın oyunlarında turdan - tura irəliləyiş hiss olunur. Demək olar ki, bütün rəqibləri "Qarabağ"la oyunda hücum futbolu sərgiləməkdən çəkinir. Daha çox müdafiə futboluna üstünlük verir. Lakin Adil Şükürov və yetirmələri tam əksini etdi. Rəqibin adından, nüfuzundan, gücündən , məkanından çəkinmədi. Məhz buna gör deyirəm ki, növbəti turlarda gəncəlilər bu cəsarətin bəhrəsini, mükəfatını görə biləcəklər. Hələ ki, bu cəsarətə, ürəyə, görə Adil Şükürova Brao düşür.

Əli HƏYATİ