"Şamaxı klubunun yeni transferi Adil Nağıyevin Futbolmedia.az saytına müsahibəsi.

Adil Ilk olaraq "Şamaxı" ya keçidin barəsində danışmağını istərdim. Yenidən bu klubla müqavilə bağladın. Bu keçidinlə bağlı nələr deyərdin?

Mənə digər klubdan təklif vardı. Lakin "Şamaxı"dan da, təklif gəldi. Bu kluba keçəməyimin əsas səbəblərdən biri Ayxan Abbasovun baş məşqçi gəlməsi oldu. Yəni onun bu kluba gəlməsi, mənim də, fikrimi qətiləşdirdi. Ayxan müəllimlə də, danışığımız oldu. Buna görə də, "Şamaxı" təklif göndərəndə çox düşünmədim. Bundan başqa mən bu klubda forma geyinmişdim. Yəni klubu və rəhbərliyi yaxşı tanıyırdım. Bir sözlə, çox razıyam.


Necə düşünürsən "Şamaxı"nın premyer liqada qalmağ şansı böyükdürmü. Yəni şansları necə dəyərləndirirsən?

Əlbbəttə ki, şansı çoxdur. İlk öncə, klubun strategiyası dəyişib. Yəni bu mövsüm kluba legionerlər cəlb edəcək. Bu amil isə klubumuzun daha da, güclənməsinə kömək olacaq. Ən səas səbəblərdən biri də, Ayxan Abbasov kimi güclü və təcrübəli baş məşqçinin rəhbərliyi altında oynayacağıq. Düşünürəm ki, onun təcrübəsi də, bizə çox kömək olacaq.

Artıq Avro 2024- start verib. Bütün avropanının, dünyanın gözü bu turnirdədir. Bir neçə oyunlar keçirilib. Bir təcrübəli peşəkar futbolçu olaraq sənin fovaritlərin hansı millilərin olduğunu açıqlaya bilərsənmi. Ümumiyyətlə, bu turnirdə sensasiyalar çox olacaqmı?

Doğurdan da, çox gözəl bir futbol bayramıdır. Düşünürəm ki, bu avropa çempionatı daha maraqlı olacaq. Əlbəttə sensasiyalar bütün turnirlərdə olacaq. Lakin mənim fikrimcə İspaniya, İngiltərə,Almaniya milliləri çempion olmaq üçün daha şanslıdırlar. Ola bilər ki, adlarını çəkdiyim komandalar yarımfilanda bir -biri ilə qarşılaşa bilərlər. Lakin ilk olaraq çempion kimi İspaniya və Almaniya finalını görürüəm.

Əli HƏYATİ